Login to your account

Username *
Password *
Remember Me

Falur Prefere EUA Kontinua Dezenvolve Komponente Aero iha TL

Xefe Estadu Maior Jenerál F-FDTL, Tenente Jenerál Domingos Raul 'Falur Rate Laek'. Xefe Estadu Maior Jenerál F-FDTL, Tenente Jenerál Domingos Raul 'Falur Rate Laek'. Foto Suplay

Tempotimor (Baukau)‐Xefe Estadu Maior Jenerál FALINTIL-Forsa Defeza Timor-Leste (F-FDTL), Tenente Jenerál Domingos Raul 'Falur Rate Laek' prefere Estadus Unidos Amérika (EUA) kontinua dezenvolve komponente Aero iha Timor-Leste (TL).

"Komandu prefere, estadus unidus amérika fó apoiu tomak atu dezenvolve komponente Aero, tantu iha formasaun rekursu umanus no rekursu materiais," dehan nia iha Aeroportu Baukau, kinta (07/04).

Iha tinan-2022, komandu F-FDTL hahú planeia ba tinan-2023 tau osan ba komponente Aero husi faze por faze ba longu prazu.

Bainhira ne'e akontese, komandu sei relata karta formal ba EUA liuhusi Minisitéiru Defeza Timor-Leste atu fó asesor ba apoiu komponente Aero hodi ajuda planeia ba dezenvolvimentu komponente Aero iha futuru.

"Komandu F-FDTL mós sei hato'o pedidu formal ida ba Ministru Defeza, Filomeno Paixão de Jesus atu halo akordu formal protokolu koperasaun no memorandu entendimentu ida," nia hatete

Akordu formal protokolu koperasaun no memorandu entendimentu entre Governu Timor-Leste ho Estadus Unidos Amérika, liu-liu iha área tekníka koperasaun militár, atu formaliza no fasilita kapasitasaun rekursu umanus, inklui ba rekursu matériais

"Ha'u fiar katak ho akordu refere, sei aberan liután ita nia koperasaun iha futuru liu-liu ba formasaun no interoperibilidade iha ezersisiu militár sira," nia argumenta

Nune'e, Minisitéiru Defeza Timor-Leste, Filomeno Paixão de Jesus, hatete, kestaun ne'ebé propoin mai, sei aprezenta ba Primeiru Ministru, Taur Matan Ruak iha tempu badak hafoin ko'alia ho EUA.

"Tenente jeneral nia hanoin sé F-FDTL ne'e bele karik, Governu husu apoiu ba Amérika para fó apoiu ba parte forsa hakiak komponente Aero," nia hatete

Provizóriu komponente Aero Timor-Leste nian sei estabelese iha Komponente Terestre Primeiru Batallaun Baukau.

"Paggar taka tiha Aeroportu laran 16,7 kilo-metru, laran seguru ona, haruka aviuan ne'e mai halo vijilánsia de'it," nia hakotu (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter