Joven mane ne'e moris iha loron 26 fulan maiu tinan 2006, durante ne'e hela ho nia inan no aman iha área Bidau Lisidere.

Tuir informasaun ne'ebé www.tempotimor.com rekoilla husi família matebian balun iha terenu katak, Husi akontesimentu ne'e, parte FORENSIK no Polísia Nasional Timor-Leste (PNTL) hamutuk ho Doutor Espesialista husi Ospital Nasionál Guidu Valadares (HNGV) tun direta hodi halo teste ba matebian nia isin maibé la identifika kauza ruma husi mate .

Tanba ne'e, entrega vítima ba fali família sira, tanba vítima mate tara-an ne’e la’ós kauza husi ema ruma mak oho ka tara, maibé rasik mak tara-an to’o iis kotu.

"Ohin FORENSIK ho Doutor espesialista ida mak mai duni iha ne'e, ho Polísia, mai halo teste la hetan buat ida, e sira dehan de'it, matebia rasik mak hakarak duni tara-an”, hatete família matebian ne'ebe la fó sai nia identidade ba www.tempotimor.com, iha fatin akontesimentu, Bidau-Lesidere, sábadu (02/04).

Ba akontesimentu ne'e, www.tempotimor.com tenta konfirma ona ho matebian nia alin ho nia tiun, maibé sira laiha tempu atu atende tanba okupadu hela ho servisu preparasaun ba serimonia funebre matebian nian. (*)