Komandante Administrasaun PNTL, Superientedente Xefe José Soares hatete, karreta 32 ne'e daudauk sira distribui ona 14 servisu operasaun iha munisípiu 12, no apoiu 13 ba Unidade Espesiál Polísia (UEP), 1 ba Unidade Patrolamentu Fronteira (UPF), no 2 Unidade Patrolamentu Marítima (UPM), inklui SIP 2 stand by 1.
“Ohin loron ita halo redistribuisaun ba munisípiu sira, ohin karreta 32, ne'e karreta alugadu, orsamentu ne'ebé mak koloka ne'e koloka iha PNTL, ho nia montante $2,30.400”, informa nia.
Kona-ba prosesu aluga karreta 32 ne'e parte PNTL entrega ba kompaña sira ne'ebé antes ne'e manán ona prosesu tenderizasaun ida ne'e.
Orsamentu ne'ebé Komandu Jerál PNTL aloka ba eleisaun prezidensiál ne'e, ne'e kobre ba orsamentu ne'ebé mak husi tudu Governu, ne'e iha $1,339.000, resin ne'ebé mak bele kobre ba suplementu membru PNTL sira ne'ebé mak halo servisu durante kampaña.
Nune'e mós iha orsamentu ida ne'e, aloka mós $1,00.000, ba kombustivel, atubele apoiu karreta alugadu sira, nune'e mós ho karreta sira ne'ebé mak apoiu husi partimóniu Estadu husi Ministériu Finansas.
“Depois de kampaña primeiru faze, iha loron rua ba kotuk, ita rekolla fali viatura sira ne'e, para ita harre fali nia kondisaun halo manutensau rapida”, hatete nia. (*)