“Osan US$14 milhões ne'e seidauk ezekuta, ita só selu kuandu progresu ne'e la'o, tanba ne'e mak ha'u dehan, progresu ne'e la'o di'ak, e ita-boot sira atu hatene progresu detallu la'o ho di'ak, ita foin mak hasai osan oituan atu halo hotu negosiasaun ne'e”, esplika Arsénio Bano hafoin sorumutuk ho Primeiru Ministru, Taur Matan Ruak, iha Rezidénsia PM, Farol, segunda (02/08).

Tanba ezekusaun orsamentu ba RAOEA nian hodi halo pagamentu ba projetu sira, sei haree tuir progresu serbisu ne'ebé iha tanba osan povu nian, osan estadu nian tenke gasta tuir rezultadu.

“Haksolok iha 14 molhões ami maneja pagamentu ne'e só progresu negosiasaun la'o dadauk, agora Oekussi kontrola estaleiru, kontrola Ró Haksolok halo ona progresu atu haree komesa hahú fali oinsá, e relatóriu eskrita sei la'o hela, doutor Marí ajuda maka'as iha ne'e, negosiasaun komu estaleiru ne'e ita kontrola ona, Ró seluk bele ba halo, hadi'a mós ró iha ita-nia estaleiru e hatama osan, rekupera osan. Polítika ne'e, ha'u labele ko’alia barak kona-ba ida ne'e”, dehan nia.

Kona-ba desizaun governu sentrál nian hodi suspende ona operasaun Ró Tranship II Gresik, ba mai Dili, Oekussi ho Ataúro, desizaun governu sentrál nian, maibé espera sei iha tan ró foun.

“Ha'u hanoin ne'e governu sentrál nia saida, ami berharap katak sei iha tan ró foun, e ha'u fiar katak ró foun sei mai. Ne'e ministru transportes no komunikasaun e ró ida agora la'o hela lori sasán, importante ba Oekussi ne'e mak movimentu sasán labele para, movimentu ema iha Aviaun, agora lansa hela. Depois esperu quee movimentu ema husi tasi sei rezolve husi governu sentrál”, afirma nia.

Tanba ne'e, pagamentu ba konstrusaun Ró Haksolok nian sei haree tuir faze hodi to'o iha faze negosiasaun finál ba ró refere.

“Negosiasaun hotu, to'o ita hahú filafali finishing serbisu ba rohan hanesan ohin ha'u dehan relatóriu eskrita sei mai, mas ha'u fiar katak tinan ida ne'e sei halo progresu. Sé tinan ida ne'e, tinan oin hotu, importante ita agora kontrola situasaun ba Ró Haksolok", dehan nia. (*)