Oekusse Ofialmente Entrega Sentru Movel Ida ba SIJK

Prezidente Autoridade RAEOA, José Luis Guterres "Lugu" ofisialmente entrega sentru saúde movel ida ba reprezentante SIJK DR. Aurelio Guterres iha CCD (4/5) Prezidente Autoridade RAEOA, José Luis Guterres "Lugu" ofisialmente entrega sentru saúde movel ida ba reprezentante SIJK DR. Aurelio Guterres iha CCD (4/5) Foto Tempo Timor

Tempotimor (Dili)- Prezidente Autoriedade Rejiaun Administrativu Espesiál Oekusse-Ambeno (RAEOA) José Luis Guterres "Lugu" ofisialmente entrega sentru saúde movel ida ba Sentru Integradu ba Jestaun Krize (SIJK) nasionál hodi apoiu serbisu prevensaun no migitasaun ba surtu Covid-19.

Iha serimónia entrega fasilidade saúde movel ne'e, prezidente RAEOA José Luis Guterres hatete katak, ohin mai entrega sentru movel ne'e ba SIJK nasionál bazeia ba pedidu Primeiru Ministru Taur Matan Ruak nian.

"Ami mai kumpre pedidu ne'ebé Primeiru Ministru (PM) Taur Matan Ruak husu, entaun mai entrega meiu (karreta movel) ida ne'e, tanba ami Oekusse iha rua, entaun entrega ida iha ne'e para ita separasaun kombate pandemia iha ita-nia nasaun," dehan Lugu ba jornalista sira iha Sentru Konvensaun Dili, Segunda (04/05).

"Ami Oekusse ho laran haksolok hakarak ajuda, hatudu solidadriedade povu Oekusse Ambeno, ba povu no nasaun Timor Leste."

VIDEO PUBLISIDADE APELU HUSI PM TAUR APLAUS BA FRONT LINE

 

Iha fatin hanesan, Koordenadór Destakamentu Reasaun Rápida, SIJK, Aurelio Guterres dehan, fasilidade klínika movel ne'e atu apoiu ba serbisu saúde iha klinika sira.

"Fasilidade ne'e sei ajuda SIJK nasionál liu-liu klínika sira iha Dili laran, espesialmente Vera Kruz no sira seluk, para apoiu oinsa atu fasilita surtu corona virus," dehan Aurelio.

Nia afirma, ekipamentu ne'ebé RAEOA entrega ba SIJK nasionál ne'e permanente ba nasionál.

"Karreta ne'e entrega mai permanentemente, entaun ekipa teknika husi RAEOA sei fó ajuda, oinsa mak halo operasaun ba fasilidade sira ne'e," dehan nia.

Kooredenadór ne'e akresenta, fasilidade ne'ebé simu husi RAEOA ne'e sei utiliza iha loron ne'ebé simu, bainhira tékniku sira halo ona operasaun ba fasilidade sira ne'e.

PUBLISIDADE

Rate this item
(0 votes)
Last modified on Saturday, 09 May 2020 13:59
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com