MAPKomS Dehan 2021 Ahi Tama Suku 33

Ministru Asuntu Parlamentár no Komunikasaun Sosiál (MAPKomS), Francisco Jerónimo iha plenaria Parlamentu Nasional Ministru Asuntu Parlamentár no Komunikasaun Sosiál (MAPKomS), Francisco Jerónimo iha plenaria Parlamentu Nasional Foto File

Tempotimor (Dili) - Ministru Asuntu Parlamentár no Komunikasaun Sosiál (MAPKomS), Francisco Jerónimo, hataan ba preokupasaun deputadu kona-ba fatin balun ne'ebé seidauk asesu eletrisidade.


Tanba ne'e, ministru dehan, iha programa planu orsamentu ne'ebé prepara no Ministeru Obras Públika (MOP), liuliu iha parte eletrisidade nian.

"Iha tinan 2021 sei halo ba suku 33 ne'e fazeada, la'ós hotu dala ida de'it maibé depende ba orsamentu ne'ebé orsida mós sei lori mai iha parlamentu mak aprova," dehan nia, iha plenária Parlamentu, Tersa (21/07).

Antes ne'e, Deputadu CNRT, Roberto Batista hateten, iha Ataúru semana rua ona ahi mate até adata seidauk bele rezolve.

"Durante tinan ida ona ahi ne'e problema hela de'it, ne'ebé lakan iha tempu kalan de'it. Uluk tinan hirak liu ba lakan oras 18 agora sai lakan oras 10 de'it tanba mákina la di'ak ona", dehan deputadu CNRT.

Nia husu ba Ministériu Obras Públika liuliu ba  Eletrisidade Timor-Leste (EDTL) bele rezolve problema ne'e ho lais, tanba ne'e difikulta tebes ba komunidade.

"Ekonomikamente difikulta tanba peskadór sira dala-ruma atu konserva sira-nia ikan la di'ak tanba jelu laiha, ahi la moris". (*)

Rate this item
(1 Vote)
Last modified on Saturday, 25 July 2020 10:40
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.