Tempotimor (Dili)-Kandidata Prezidente Repúblika (PR) independente Períodu 2022-2027, Milena Pires hatete, Prezidente Repiblika ne'ebé eleitu presiza influénsia Governu atu dezenvolve agrikultura hodi garante kapasidade produsaun iha rai laran.

Tempotimor (Dili)-Kandidata Prezidente Repúblika (PR) independente períodu 2022-2027, Milena Pires hatete, nia parte sei influénsia Governu liuhusi Ministériu Edukasaun Juventude no Desportu (MEJD) atu dezenvolve kualidade infraestrutura edukasaun iha Timor-Leste.

Tempotimor (Dili)-Kandidata Prezidente Repúblika (PR) Independente períodu 2022-2027, Milena Pires, hakarak sai Prezidente Repúbliki hodi halo mudansa ba povu nia moris.

“Ha'u-nia logu kampaña, tinan foun, polítika foun mak dalan ba mudansa no povu nia moris di'ak, tanba ida ne'e mak ha'u hakarak kandidata-an, la'ós atu sai boot, la'ós atubele sa'e karreta di'ak, la'ós atu ba tur iha aitarak laran. Atubele halo buat ruma ba povu nia moris di'ak”, dehan Milena hafoin kampaña dahuluk iha Postu Administrativu Gleno, Munisípiu Ermera, kuarta (02/03).

Tanba, eleisaun preziensiál ne'ebé mak sei hala'o iha loron 19 marsu 2022, ne'e importante loos, atubele kontribui ba Timor-Leste ninia dezenvolvimentu iha futuru.

“Ha’u hamrik iha ne'e ohin loron iha ita-nia oin, tanba hakarak kontribui ba Timor-Leste ida ne'ebé inkluzivu, Timor-Leste ida ne'ebé timoroan hothotu, sinte katak sira hola parte ba ida ne'e”, dehan nia.

Timor-Leste tenke iha oportunidade hanesan ba timoroan hothotu iha no tenke Timor-Leste ida ne'ebé justu, ema hanesan hotu iha justisa nia oin, la'ós justisa ba povu ki'ik de'it.

Tanba hanesan públiku tomak haree no rona bebeik povu nia halerik, katak justisa ne'e ba de'it povu ki'ik maibé ba fali boot sira ladun iha justisa.

Ho situasaun hirak ne'e, Prezidente Repúblika presiza hakbesik-an ba povu, no tenke moris iha povu nia let, labele tur de'it iha Aitarak laran, loroloron taka de'it aan iha Aitarak Laran, husik nia povu moris at iha baze.

“Servisu bele hakna’ar-an iha Aitarak Laran, maibé semana rua hanesan tenke tun ba hamutuk ho povu, haree ho matan, saida mak povu nia moris loroloron, kompriende saida mak povu nia halerik, difikuldade ne'ebé mak iha ita-nia moris loroloron”, hatete nia.

Tanba hanesan públiku hatene katak babain ema barak atu iha de'it etu bikan tolu loron ida atu hán susar teb-tebes, ne'e mak prezidente repúblika presiza sai konsiénsia Estadu Timor-Leste nian, ba saida mak povu nia moris di'ak. (*)

Tempotimor (Dili)-Kandidatu Prezidente Repúblika, Milena Pires deside lori programa lima dada simpatika povu iha kampaña eleisaun Prezidensiál durante semana rua (2 to’o16 marsu 2022).

Tempotimor (Dili)-Kandidata Independente Prezidente Repúblika (PR) períodu 2022-2027, Milena Pires hatete, Prezidente Repúblik (PR) presiza kontribui lori Timor-Leste adere ba Association of Southeast Asian Nations (ASEAN) liuhusi kapasidade diplomátiku nian.