Items filtered by date: Friday, 17 September 2021

Tempotimor (Lautein)-Administradór Munisípiu  Lautein, Domingos Xavio husu, ba Xefe Suku (XS) sira atu orienta agrikultór sira hodi servisu maka’as oinsá bele hasa'e produsaun iha rai laran, no kontrola mós servisu extensionista iha baze.

Published in Lautem

Tempotimor (Lautein)-Sekretáriu Estadu Kooperativa (SEKoop), Elizário Ferreira, sujere ba dirijente no membru kooperativa Crédito Uniăo Moris Foun, atu hari’i tan kooperativa klínika ida, hodi fó tratamentu ba membru sira bainhira enfrenta moras ruma iha saúde fízika.

Published in Ekonomia

Tempotimor (Dili)-Deputadu Bankada Congresso de Reconstrução de Timor (CNRT) iha Parlamentu Nasionál (PN), Patrocino Fernandes konsidera, Ministériu Saúde (MS) durante ne'e subar informasaun ba sidadaun ne'ebé simu ona vasina inválidu, tanba seidauk iha esplikasaun kona-ba efeitu husi Vasina astraZeneca invalidu.

Published in Saude

Tempotimor (Díli)-Prezidente Interinu Autoridade Munisípiu Dili, António Moniz Calau hatete, tetu Fiskál ba tinan 2022 Munisípiu Dili hamutuk miliaun US$7,2 la sufisiente mak husu adisionál milliaun US$13.5 ba Komité Revizaun Orsamentu Polítiku (KROP) kona-ba tetu Fiskál  Orsamentu Jerál Estadu (OJE) 2022.

Published in Ekonomia
Friday, 17 September 2021 21:07

SEKoop Fó Pose ba Membru COMUHABO iha Home

Tempotimor (Lautein)-Sekretáriu Estadu Kooperativa (SEKoop), Elizário Ferreira, fó pose ba membru Cooperativa Multisectorial Hamutuk Ba Oin (COMUHABO) hodi deklara-an ba hala'o atividade kooperativa iha Aldeia Cenuloru, Suku Home, Postu Administrativu Lospalos, Munisípiu Lautein.

Published in Lautem

Tempotimor (Díli)-Ministru Transporte no Komunikasaun (MTK), José Agostinho da Silva hatete, Timoroan hahú investe iha operadór Telekomunikasaun CESLINK iha Timor-Leste.

Published in Ekonomia

Tempotimor (Dili)-Vise Xefe Bankada Congresso Nacionál de Reconstrução de Timor (CNRT) iha Parlamentu Nasional (PN), Patrocino Fernandes dos Reis, krítika Governu ne’ebé durante ne'e konserta liuba asuntu Covid-19 liuhusi Sentru Intergradu Jestaun ba Krize (SIJK) hodi hamohu Orsamentu Jerál Estadu (OJE) 2020-2021.

"Entaun ita atu hatete dehan saida, orsamentu boot ne'ebé prevé iha OJE tinan rua nian, konsentra de'it ba  atu selu grupu oan ida ne’ebé Ministériu hothotu konsentra servisu ba asuntu covid-19. Ne’ebé ita kuandu ba SIJK, ita haree iha ne'eba, ne'e ema ne'e atus ba atus liu dok edifísiu Ministériu sira ne'e hotu, orbjetivu saida, para bele hamohu netik fundu Covid ne'e”, dehan nia iha PN, sesta (17/09).

Iha tinan 2021 ne'e, ezekusaun OJE mínimu tanba membru Governu sira-nia tarefa úniku, mak atu ezekuta orsamentu Covid-19. Maibé ida ne’e de'it mós la rezolve problema tanba iha fatin barak liu la selu osan liña frente ba pesoál Polísia, médiku, jornalista.

Desde tinan 2019 to'o 2021, bankada CNRT haree Governu mak laiha duni kapasidade atu ezekuta orsamentu.

Tanba realidade Orsamentu Jerál Estadu 2021 ho montante billaunUS$2.1 no agora iha fulan-setembru besik tama ona ba fulan-outubru maibé sira-nia kapasidade ezekusaun foin atinje pursentu 49.

Tuir rejimentu Parlamentu Nasionál nian katak, loron 15 fulan-outubru, Governu tenke submete fali ona Orsamentu Jerál Estadu mai iha Parlamentu Nasionál, atubele tuir nia prosesu sira.

Bankada CNRT nu’udar opozisaun lamentável tebes  ho Orsamentu Jerál Estadu tinan (2020-2021) hamutuk kuaze Billaun US$3.5 no membru Governu ne’ebé mak ho diskursu furak-furak, kapas no mehi mesak furak, atu hadi'a povu nia moris, maibé realidade laiha.

Tanba ne'e, CNRT  triste tanba to'o ohin loron, vítima afeta dezastre naturál iha loron 4 fulan-abril mós agora dadauk lubuk ida iha Manleu sei hela iha lona okos.

Ho asidente ne’ebé akontese iha loron 4 fulan-abril, la prevé iha OJE 2021 ne’ebé ho nia montante billaun US$1.9, rajaun ida ne'e mak Governu lori fali orsamentu retifikativu mai iha PN katak atu tau konsiderasaun ba ida ne'e.

"Retifikativu ne'e halo iha abril, e ohin setembru, ita hothotu sei haree povu hothotu sai testamuña, membru Governu sira halai iha Dili laran, ho eskoltu sira hanesan urjente ida be rai atu naben nian, maibé kapasidade atu rezolve problema povu nian mak ida ne'e”, hatete nia. (*)

Published in Politika

Tempotimor (Dili)-Koordenadór Forsas-Tarefas ba Prevensaun no Motigasaun Surtu Kovid-19, Rui Maria de Aroujo deklara, Kazu Covid-19 foun 87, kazu rekuperadu 163 no mate na'in-1 iha izolamentu.

"Kazu detetatu foun ne’ebé relata ohin, 17 Setembru 2021 foun 87 (iha Dili 40, Baucau 16, RAEOA 15 ho munisípiu seluk hamutuk 16), mane 55, feto 32, kazu rekuperadu 163 no totál óbitu na'in 1", dehan nia liuhusi komunikadu imprensa, sesta (17/09).

Husi totál kazu detetadu foun ho idade 20 na'in-19 (21,8%), ho idade 12-59 na'in-64 (73,5%) ho idade 60 na'in-4, kazu ativu 1.918 no totál kazu konfirmadu kumulativu iha 17 Setembru 2021 (sura husi 21 Marsu 2020) hamutuk 18.943.   

Enkuantu totál óbitu ne’ebé relata na'in-1 (ida), mane ho idade 76, hela iha Dili, seiduak vasina, iha 14    Setembru 2021, diagnóstikadu  ho sindroma insufisiénsia respiratória aguda (SIRA) tanba Covid-19 iha HNGV.

Matebian sofre mós moras diabete. Matebian iis-kotu tuku 08h45 iha Vera Cruz no família kolabora ho ekipa saúde,    hodi hala’o funeral tuir protokolu ne’ebé  adopta iha Timor-Leste.   

Hahú husi loron 16 to’o 17 hamutuk hotu Laboratóriu Nasionál Saúde (LNS) halo 248 testes PCR iha Dili, ho detala hanesan vijilánsia sentinela 7, rastreiu ba kontaktu (contact tracing) 39, rastreiu Aleatóriu (random screening) 37, viajen sai husi serka sanitária Munisípiu Dili 119, Viajen internasionál 26 no follow up iha kuarentena 20.

Rezultadu testes PCR ne’ebé halo iha loron 16 Setembru, iha munisípiu sira seluk REAOA ho HNGV, hamutuk 358 ho  detalla hanesan Baukau 78,Ermera 4, Maliana 33, Maubisse 19, RAEOA 7, Covalima-Suai 45, Vikeké 9, Lautein-Lospalos 55 no HNGV 108. (*)

Published in Saude

Tempotimor(Dili)-Komunidade uma-kain hamutuk 268 iha Suku Samalari, Postu Administrativu Baguia, Munisípiu Baukau to’o agora seidauk asesu ba ahi-eletrisidade.

Published in Baucau

Tempotimir (Dili)-Parlamentu Nasionál (PN) liuhusi Komisaun E trata asuntu infraestrutura, sei aprezenta problema Mota Loes ba Governu iha  audensia públika ba proposta Orsamentu Jerál Estadu (OJE) tinan fiskál 2022.

Published in Politika
Page 1 of 3
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« September 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

Tempo Timor Networks

Online Counter