“Ita fó obsaun ba sira, loloos ne'e loron 2 fulan-marsu, tanba iha loron 2 ne'e inisiu fó biban barak liu atu kampaña, maibé, depos de diskusaun balun hakarak data ne'ebé diferente maibé CNE nia hanoin balansu semana ida, ita hakarak dia 08 fulan-marsu halo debate, sim fixu no hato'o tiha ona, ne'e mak ita-nia preparasaun para kandidatu sira reajusta sira-nia orariu”, dehan Prezidente CNE, Agostinho da Costa Belo ba jornalista hafoin reuniaun ho Ekipa susesu kandidatu sira iha Salaun CNE Laline Larigutu, Kolmera, sábadu (20/02).
Maske loron 08 fulan-marsu tuir kalendáriu katak Kandidatura sira halo ona kampaña eleitorál iha terenu maibé sira sei tun fali mak hodi halo sente públiku liuhusi kanal televizaun ida iha loron ne'ebé deside ona.
"Ita halo debate ne'e labele antes no labele liu tiha kampaña mak halo debate ne'e labele tanba lei la fó dalan”, afirma nia.
Desizaun ne'e deside hamutuk husi reprezentante Kandidatura sira hamutuk ho Komisaun Nasionál Eleisaun (CNE) deside ona sei debate aberta iha loron 8 fulan-marsu tinan 2022. (*)
