Login to your account

Username *
Password *
Remember Me

TR Admite Kandidatu PR 16, Luis Tilman La Priense Rekezitu

Prezidente Tribunál Rekursu (TR), Deolindo dos Santos. Prezidente Tribunál Rekursu (TR), Deolindo dos Santos. Foto Suplay

Tempotimor (Dili)-Tribunál Rekursu (TR) admite kandidatu Prezidente Repúblika (PR) períodu 2022-2027 hamutuk 16 ne’ebé liu ona prosesu korresaun, maibé kandidatu Luis Alves Tilman la admitidu, tanba la prienxe rekezitu kona-ba rekolla eleitorál atus-ida kada munisípiu.

Prezidente Tribunál Rekursu (TR), Deolindo dos Santos informa, Tribunál Rekursu la admite kandidatu Prezidente Repúblika (PR), Luis Alves Tilman tanba la prienxe rekezitu ne’ebé fó sai iha lei eleisaun prezidensiál no kandidatuta.

“Iha munisípiu tolu ne'e, kada atus-ida, atus-ida, mais la prienxe, tanba ne'e mak ninia lista la admitidu”, dehan Deolindo iha kna’ar fatin, Kaikoli, segunda (14/02).

Dadauk totál kandidatura ne'ebé aprezenta ona iha Tribunál Rekursu ne'e hamutuk 17, maibé husi totál hirak ne'e iha 16 mak admitidu, no ida la admitidu.

Ho ida ne'e, kandidatu ne'ebé la admitidu, Tribunál Rekursu sei fó prazu loron ida ba kandidatu ne'e atu rekore desizaun Tribunál Rekursi nian, hahú segunda (14/02) to'o tersa (15/02), maizumenus tuku 17:00.

“Siknifika katak ohin nia simu desizaun ne'e, nia bele rekore komesa agora to'o aban tuku lima, nia rekore ona entaun ne'e mak husi Tribunál Koletivu, Juis na'in-tolu sei haree fali desizaun ha'u-nian ne'e iha loron rua nia laran, atu foti desizaun, depois hotu tiha mak ita foin hasai lista defenitivu, no lista defenetivu sai tiha mak ita foin halo sorteu ba prosesu ida ne'e”, esplika nia.

Ba prosesu verifikasaun ne'ebé Tribunál Rekursu hala'o durante loron 10 nia laran, konsege deteta irregularidade barak maibé TR notifika kedas kandidatu sira hodi kompleta, inklui kandidatu Luis Alves Tilman ne'ebé mós konsege kompleta maibé la prienxe nafatin rekezitu kona-ba rekoilla eleitorál kada atus-ida iha Munisípiu Likisá, Vikeké no Manufahi.

Tuir Kalendáriu eleitorál ba eleisaun Prezidente Repúblika nian ne’ebé Governu públika iha loron 19 fulan-marsu 2022, ba markasaun eleisaun ne’ebé desfine loron 14 fulan-fevereiru 2022, desizaun Tribunál Rekursu nian kona-ba korresaun ba irregularidade kandidatura sira nian, no iha loron 15 mak interpozisaun rekursu ba koletivu Tribunál Rekursu nian kona-ba admisaun/rejeisaun ba kandidatura sira. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« November 2022 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter