Tanba Líder Partidu Fretilin ne’ebé antes ne’e halo viajen ba nasaun Portugál iha loron (29/12/2021), hafoin fila mai iha Timor-Leste, maibé Xefe Negosiadór Prinsipál Fronteira Marítima, Kay Rala Xanana Gusmão, mós deside halo viajen ba nasaun Dubai hafoin kontinua ba Portugal.
Tuir observasaun www.tempotimor.com iha terenu nota katak, Mari Alkatiri ne’ebé tun husi Aviaun Citilink iha oras tuku 11:40 , no Líder Partidu CNRT Xanana Gusmão mós utiliza Aviaun refere hodi halo viajen ba rai liu iha tuku 13:16.
Iha vijita Xanana nia hetan akompaña husi ekipa tékniku sira hodi ba atende konvite ne’ebé simu husi Dubai hodi ko’alia kona-ba fronteira Timor-Leste ninian.
Hafoin tuin husi Aviaun Mari Alkatiri halo kedan viajen ba Komité Sentrál Fretilin (CCF) hodi esplika kona-ba nia viajen besik fulan ida hafoin fila mai iha Timor-Leste hodi partisipa atividade politika iha rai laran. (*)