"Primeiru ha'u fó ha'u-nia parabéns ba Maun Ramos, e furak kuandu manu aman rua hamutuk, mais furak liután, pelus menus líder sira ne'ebé fó an ba ukun-an ne'e hamutuk furak tebetebes, ha'u-nia boot Xanana ha'u-nia maun boot Ramos Horta, e ha'u-nia maun boot Marí, e depois ami sira ne'e iha kotuk, hamutuk furak tebes tebes ba rai Timór ida ne'e”, dehan Lere iha Palásiu Prezidensiál Bairopite, kuarta (26/01).
Tanba lídere rezisténsia sira ne'e la difísil atu sai Prezidente Repúblika no sai Primeiru Ministru, maibé importante mós tenke ko'alia kona-ba problema nasionál ne'ebé dadaun ne'e sai preokupasaun boot.
"Ami kuandu hanesan ne'e iha Timor imi laran lalika taridu, ita ba oin nafatin, ita riku, atu sai prezidente ka atu primeiru Ministru la difísil, naran ita hamutuk, ita hamutuk buat hothotu sai di'ak ohin loron ita iha problema nasionál la'ós problema insititusionál, problema kona-ba ita-nia mina, ke ita-nia direitu, ko'alia kona-ba soberania, fronteira, ho Austrália”, afirma nia.
Ba Konfiansa ne'ebé Prezidente Partidu CNRT, Kay Rala Xanan Gusmão fó ba Premiadu Novel Ba Paz, José Ramos Horta, maibé furak liu mak lídere nasionál sira hamutuk hodi trasa nasaun nia destinu.
“Hanesan ohin imi husu, ha'u fó parabéns ba maun Ramos Horta, maun Xanana ne'ebé mós hanesan ha'u nia aman sarani ba kazamentu ninian, partikularmente, tanba nia fó konfiansa ba maun Ramos Horta, mais ha'u sente katak ladún furak”.
“Mais hanesan ohin ha'u dehan ladún furak líder sira uluk sira hamutuk trasa nasaun ne'e nia distinu, inklui mós ami veteranu sira, liliu kuadru mediu ha'u membru Komité Centrál FRETILIN e komandante sira seluk ho Jenerál sira kuadru mediu, biar mate barak mais sira bele lori balun mai hamutuk ho sira na’in-tolu no haat ne'e”, deklara Lere. (*)