Login to your account

Username *
Password *
Remember Me

Xanana ‘Hakarak’ Horta Sai PR Disolve Parlamentu Nasionál 

Prezidente Partidu CNRT, Kay Rala Xanana Gusmão dada lia hela ho Kandidatura Prezidente Repúblika, José Ramos Horta, iha Salaun OKA, Osindo, domingo (23/01) Prezidente Partidu CNRT, Kay Rala Xanana Gusmão dada lia hela ho Kandidatura Prezidente Repúblika, José Ramos Horta, iha Salaun OKA, Osindo, domingo (23/01) Foto Tempo Timor

Tempotimor (Díli)-Prezidente Partidu Congressu Nasionál Rekonstrusaun Timorense (CNRT), Kay Rala Xanana Gusmão hamutuk ho militante hakarak kandidata José Ramos Horta ba Prezidente Repúblika (PR) 2022, bainhira eleitu repoin Orden Konstitusionál hodi Disolve Parlamentu Nasionál.

"Repoen fali orden konstitusionál no Prezidente Repúblika iha nia kompetensia Disolve Parlamentu Nasionál hodi hakat ba eleisaun tuir mai”, dehan Xanana iha Salaun OKA, Osindo, domingo (23/01).

Tanba ne’e prezidente eleitu hakarak halo restaura filafali Lejitimidade no funsionamentu normál tanba durante ne'e 2020 la'o hakdasak.

"PR eleitu komprometidu atu restaura fali lejitimidade no funsionamentu normal orgaun Governu ne’ebe dezde 2020 la-funsiona ho normal ne’ebe rezulta ekonomia rai laran hakdasak ba beibeik”, afirma nia.

Maske durante ne'e orgaun soberano haat iha rai laran la’o lá normal no hakarak hadi’a no hatur iha fatin.

"Nu'udar preokupasaun partidu nian mós tanba haree katak ita iha faze konstrusaun Estadu, Estadu iha airin haat, Prezidensia da Repúblika, Parlamentu Governu, no Justisa, buat sira ne'e haree namlele hotu”, nia dehan.

Iha Konferénsia Nasionál partidu nian deside, sai nu'udar kriteria Obrigatóriu ba nomeisaun kandidatu, husi partidu CNRT hodi bele konkorda ba eleisaun prezidensiál, halo tuir no kumpri konstitusionál no lejislasaun sira ne'ebé vigora hela, domina lian rua hanesan Tetun no Portugés no domina didi’ak lian Inglés iha área diplomatiku, hodi defende di'ak liu interese Timor-Leste iha Forum internasionál.

Partidu CNRT deside halo Konferénsia ne'e atu foti desizaun kona-ba kandidatura ba Prezidente Repúblika no hasai deliberasaun kona-ba kriteria atu fó apoiu ba kandidatu iha eleisaun prezidensiál. (*)

 

Rate this item
(4 votes)
Last modified on Sunday, 23 January 2022 21:23
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter