Login to your account

Username *
Password *
Remember Me

TL Sei Ratifika Konvesaun Internasionál Asegura Seguransa iha Tasi Laran

Vise Ministru Negósiu Estranjeiru no Kooperasaun (MNEK), Julião da Silva. Vise Ministru Negósiu Estranjeiru no Kooperasaun (MNEK), Julião da Silva. Foto Suplay

Tempotimor (Dili)-Vise Ministru Negósiu Estranjeiru no Kooperasaun (MNEK), Julião da Silva hatete, Estadu Timor-Leste (TL) sei ratifika konvensaun internasional hanesan Standards of Training, Certification and Watchkeeping for Seafarers (STCW), Marine pollution (MarPol) nomós Safety Of Life At Sea (SOLAS) hodi asegura seguransa iha Tasi laran.

"Konvensaun tolu ne'e mak ida ko’alia kona-ba oinsá fó formasaun profesionál ba ita-nia sidadaun sira, e seluk iha padraun atubele kontrolu Ró sira-nia movimentu mai iha ita-nia tasi, e seluk fali mak oinsá atu halo salva guarda, ba ita-nia marineiru sira, bainhira sira halo movimentu iha tasi laran, hodi asegura ambiente tasi ninian”, dehan Julião iha PN, sesta (14/01).

Ba Konvensaun tolu ne'e, dadauk MNEK ho Komisaun B PN halo ona audénsia hodi aprezenta no justifika ba deputadu sira kona-ba razaun fundamental balun nomós preparasaun kondisaun ba situasaun ne'e.

"Ha’u hanoin kala legal haat ne'ebe ita iha entre Ministériu Negósiu Estranjeiru ho Ministériu relavante sira ita iha, agora so ita tenke ratifika tiha konvensaun ne'e mak foin bele aplika ita-nia regra legal ne’ebé mak ita preparadu, no ita iha legal 14  ne’ebé mak iha ona lei para depois tempu badak mak ita avansa filafali mai iha PN para hetan aprovasaun”, esplika nia.

Dadauk Governu esforsu hela atu, konvensaun Internasionál tolu importante ne'e bele hetan ratifikasaun husi Parlamentu Nasionál iha tempu badak.

Prezidente Komisaun B Trata asuntu Negósiu Estranjeiru, Defeza no Seguransa iha Parlamentu Nasionál (PN), José Agustinho Siqueira "Somotxo" hatete, konvensaun tolu ne'e sei kompara ba parte ekonomika di’ak, bainhira Timor-Leste ratifika ona konvensaun ne'e mak ema ne’ebé tama mai Timor-Leste laiha kondisaun, sei selu multa.

"Ne’ebé ida ne'e parte ekonómika di'ak tanba ejizensia ne'e sei boot liuhusi konvensaun ba Ró sira ne’ebé atu tama mai iha ne'e”, dehan nia.

Maibé konvensaun ne'e sai hanesan responsabilidade boot Governu, tanba bainhira Timor-Leste mós la kumpre konvensaun ne'e, komunidade Internasionál sira ne’ebé kumpre hela konvensaun ne'e, bele kondena filafali Timor-Leste, no bele mós husu tenke selu multa.

Purtantu Konvensaun Internasionál tolu ne'e, Ministériu Negósiu Estranjeiru no Kooperasaun (MNEK), mak loke dalan, no Ministériu Transporte no Komunikasaun (MTK), Ministériu Defeza (MD), Sekretáriu Estadu Ambiénte (SEA) mak sei responsabiliza. (*)

Rate this item
(0 votes)
Last modified on Saturday, 15 January 2022 15:10
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter