Login to your account

Username *
Password *
Remember Me

KM Aprova Alterasaun Komplementa Regulamentasaun Lei Eleitorál

Ministru Prezidénsia Konsellu Ministru (MPKM), Fidelis Leite Magalhães. Ministru Prezidénsia Konsellu Ministru (MPKM), Fidelis Leite Magalhães. Foto Tempo Timor

Tempotimor (Dili)-Konsellu Ministru (KM) ne'ebé lidera husi Primeiru Ministru, Taur Matan Ruak, iha kuarta (05/01) deside aprova alterasaun komplementa regulamentasaun husi Lei Eleitorál ba Eleisaun Prezidensiál nian.

"Ohin Konsellu Ministru reuniaun ordináriu, e aprova alterasaun sira ba dekretu Governu atu antisipa ba eleisaun Prezidensiál ne'ebé mak sei mai”, informa Ministru Prezidénsia Konsellu Ministru (MPKM), Fidelis Leite Magalhães ba jornalista iha Palásiu Governu, kuarta (05/01).

Haree ba aprovasaun sira mak hanesan, alterasaun dahuluk ba Dekretu Governu nú. 5/2017, loron 27 fulan-fevereiru, ne'ebé regulamenta kampaña no propaganda eleitorál nian.

Alterasaun dahuluk ba Dekretu Governu nú. 6/2017, loron 27 fulan-fevereiru, ne'ebé regulamenta organizasaun no funsionamentu sentru votasaun no estasaun sira votu nian.

Iha mós alterasaun dahuluk ba Dekretu Governu nú. 7/2017, loron 27 fulan-fevereiru, ne'ebé regulamenta prosedimentu votasaun, kontajen votu no apuramentu rezultadu sira.

Nune’e mós alterasaun dahuluk ba Dekretu Governu nú. 8/2017, loron 27 fulan-fevereiru, ne'ebé aprova prosedimentu tékniku sira ba realizasaun eleisaun prezidensiál sira iha estranjeiru.

Ba alterasaun dahuluk ba Dekretu Governu nú. 9/2017, loron 27 fulan-fevereiru, ne'ebé regulamenta atividade observasaun nian, no aprova alterasaun dahuluk ba Dekretu Governu nú. 10/2017, loron 27 fulan-fevereiru, ne'ebé aprova prosedimentu tékniku sira ba realizasaun atividade sira kobertura jornalístika nian ba eleisaun prezidensiál nian.

Iha alterasaun dahuluk ba Dekretu Governu nú. 12/2017, loron 27 fulan-fevereiru, kona-ba ezersisiu direitu votu nian iha estabelesimentu ospitál no prizionál sira.

Iha alterasaun dahuluk ba Dekretu Governu nian nú. 13/2021, Ioron 27 fulan-fevereiru, ne'ebé regulamenta atividade fiskalizasaun husi prosesu eleitorál nian, regulamentu kona-ba aprezentasaun kandidatura ba eleisaun Prezidente Repúblika,

Ezersísiu direitu votu eleitór sira ne'ebé internadu iha sentru izolamentu profilátiku obrigatóriu, sentru izolamentu terapéutiku obrigatóriu ka iha kumprimentu izolamentu profilátiku ka izolamentu terapéutiku obrigatóriu iha domisiliu ida-ne'e ka iha fatin legalmente ne'ebé admite ba efeitu.

Husi alterasaun sira ne'e aprezenta husi Ministru Administrasaun Estatál (MAE), Miguel Perreira de Carvallo ba Konsellu Ministru (KM). (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter