Ministru ba Asuntu Parlamentár no Komunikasaun Sosiál (MAPKomS), Francisco Martins Jerónimo hatete, dadaun sira konfirma ona katak dekretu-lei refere sei rai hela iha Gabinete Xefe Estadu nian no seidauk iha desizaun ruma. 

"Saida mak ohin ha'u dehan, ami Konfirma ba Prezidente Repúblika, e lei ne'e sei iha ne'eba hela. E ha'u hatene seidauk hetan promulgasaun tanba ohin mós ami konfirma sei iha ne'eba hela”, informa Ministru Jerónimo, iha Sentru Nasional Empregu no Formasaun Profesionál Tibar, kuarta (29/12). 

Tanba dektretu-lei ne’ebé Governu submete prazu fulan ida, atu Prezidente Republika estuda, molok foti desizaun kona-ba promulga ka veta.

Iha ne'e Governu hein de'it, karik fulan ida-ne'e Xefe Estadu la promulga mós ida ne'e sei la afeta lei ne'e kaduka, tanba tuir lei ne'e, sei fó kompeténsia ba Governu haree no ezekuta. (*)