"Ita hatene katak foin lalais Governu inaugura ona Ró Berlin Ramelau, maibé até a data seidauk halo operasaun. Ita-nia sua exelénsia primeiru ministru hatete katak Ró ne’ebé mak mai ne'e, hanesan prezente ba atonioan no Ataúruoan ba natal ne'e rasik no tinan foun, maibé realidade liafuan ne'e sai tiha retórika”, dehan Portavoz METO, Mateus Lopo, iha Portu Dili, kuarta (22/12).

Dadauk povu Ataúru no Oekussi kontinua sai vítima tanba Ró Berlin Ramalau inaugura ona maibé Governu nafatin oferese Ró tuan hanesan (Ataúru Express no Sumadra 8),  ne’ebé fó risku nafatin.

Entretantu Jeca Friado hatete, nia parte preokupa no lamenta tanba besik ona loron natak maibé Governu seiduak autoriza Ró Berlin atu halo operasaun hodi transporta komunidade sira.

"Ami lamenta tanba mudansa klimatika hanesan ita hothotu haree laloran maka’as karik Ró Ataúru Express ne'e Ró ida ne’ebé mak ladun apropriadu para bele transporta ema ba, ne'e primeiru e segundu kona-ba Sumadra 8, kuaze ami-nia lamentasaun Governu la tau seriedade iha prátika, para depois bele buka fali meiu seluk”, afirma nia.

Husu ho respeitu no konsiderasaun másimu ba prezidente APORTIL no Diretór Diresaun Nasional Translorte Maritima, atubele loke matan hodi autoriza ona Ró Berlin Ramelau ba operasaun.

"Favor boot ida. Sé semana ida ne'e mak labele transporta ami, di'ak liu Ró ne'e haruka fila tiha de'it, duke mai para as de'it iha pontekais hanesan ne'e mós ladun di'ak, haruka fila tiha de'it”, dehan nia. (*)