Login to your account

Username *
Password *
Remember Me

Lere Prontu Avansa ho Fretilin, Xanana Moral Laiha Apoiu Kandidatu Seluk

Tempotimor (Dili)-Xefe Estadu Maior Jenerál Falintil-Forsa Defeza Timor-Leste (F-FDTL), Tenente Jenerál Lere Anan Timur deklara, prontu avansa hanesan kandidatura husi Partidu Fretilin hodi kompete iha Eleisaun Prezidensi tinan 2022. 

Maibé Prezidente Partidu CNRT, Kay Rala Xanana Gusmão, hanesan komandante supremu presiza apoiu, tanba ne'e Xanana moral laiha bainhira apoiu fali kandidatu seluk ba Prezidente Repúblika períodu tinan 2022-2027.

"Ha'u hanoin katak maluk balun husi Fretilin nian hakarak kandidata ha'u ba Prezidente, hanoin katak ha'u prontu, porque ha'u dehan katak ha'u husik Fretilin ne'e ha'u laiha moral. Laiha moral ne'e tanba família tomak mate ba Fretilin, povu maubere mate ba Fretilin", dehan Tenente Jenerál hafoin hasoru malu ho PR Lú Olo iha Palasíu Prezidensiál Bairopite, kuarta (24/11).

Agora sei asumi nu'udar forsa armada ninian, seidauk hanoin to'o ne'ebá, maibé  to'o tempu ne'ebé mak Fretilin hakarak kandidata, laiha dúvida Tenente Jenerál Lere sei deklara sai no hetan apoiu husi partidu sira seluk.

"Partidu sira seluk ha'u fiar katak partidu rua ou tolu bele apoiu, maibé ha'u agora ne'e seidauk hanoin to'o iha ne'e, maibé ha'u hanoin ha'u-nia misaun, ha'u-nia kna’ar nu'udar komandante xefe estadu maior jenerál forsas armadas, mas ha'u aseita, se Fretilin aseita,  tanba ha'u úniku sobreviventu segundu jerasaun ezisténsia armada ninian", afirma Lere.

Tanba tempu luta iha ai-laran Fretilin no nu'udar membru komité sentral Fretilin segungdu jerasaun , hamutuk ho maun Xanana primeira jerasaun no saudozu Mau’Huno Bulere Karatayano foin dadauk mate.

Maibé molok atu kandidata-an sei husu ba Xanana  tanba Xanana nu'udar komandante supremu durante luta ba libertasaun.

"Xanana aseita, ha'u kandidata, mais dehan Lere lalika, ha'u rona kestaun konsiderasaun", relata Lere.

Maibé se Maun Xanana tula ba Falur, Lú Olo ka Xanana konkorda, tula liman ba ema seluk  konsidera Xanana moral laiha.

"Ha'u hatete maun moral laiha, ha'u deziste ona, maun foti liu fali nia duké ha'u, maun la hatene uluk ai-laran ne'e, ha'u atu fó ha'u-nia vida ba ita-boot atu moris, ida ne'ebé o tula liman ne'e dalurama uluk hakarak ita-boot mate", hatete Lere.

Tanba prezidente, sira ne'ebé uluk mai husi ai-laran ne'e kuadru superior sira ne'e primeiru Xanana avansa ona, Taur, tuir Lú Olo avansa ona. 

"Se ita dehan katak, ha'u mós iha direitu, mas sei lakoi pasiénsia, mas ha'u dehan katak ha'u Fretilin nafatin", hakotu. 

Antes ne'e iha joventude husi munisípiu Lautein deklara ona apoiu Tenente Jenerál Lere Anan Timur, atu kandita-an ba Prezidente Repúblika iha periódu 2023-2027. (*) 

Rate this item
(6 votes)
Last modified on Friday, 26 November 2021 12:23
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter