Login to your account

Username *
Password *
Remember Me

UDT Sei 'Halibur' Udetista Antigu Hametin Estrutura iha Futuru

Deputadu UDT, Francisco David Xavier do Carlos Deputadu UDT, Francisco David Xavier do Carlos Foto Suplay

Tempotimor (Dili)-Partidu Uniaun Demokrátiku Timorense (UDT) liuhusi Diresaun Nasionál deside sei halo aprosimasaun ho udetista antigu sira iha baze atu halibur malu hori hametin estrutura partidu iha futuru.

"Ba futuru ne’ebé ami uza, primeiru ami hakarak hametin ami-nia estrutura iha baze, husi suku no aldeia, tanba estrutura antigu udetista ne'e sei barak hela. Siknifika katak hakarak fanu fali UDT antigu udetista sira ne'e hodi filafali ba sira-nia fatin iha UDT”, dehan Deputadu UDT, Francisco David Xavier do Carlos, iha PN kuarta (24/11).

UDT nu’udar partidu ne’ebé hamriik halo istória, desde tinan 1974, bainhira hamri’ik mós udetista sira iha baze ne'e maka’as metin no barak liu Fretilin.

Maibé, ukun-an ezisténsia UDT realiza ba dala-46 entaun situasaun no difikuldade ne’ebé hasoru no ultrapasa mak udetista sira barak mak ses-an no barak mak mate ona.

Tanba ne'e, ukun dekada, UDT sempre uza fali estratejia halo koligasaun ho partidu sira hodi hetan asentu iha uma fukun.

Iha ne'e, UDT uza estratejia foun ida mak atu halo aprosimasaun hodi reativa fali estrutura antiga udetista sira ne’ebé tinan 1974-1975.

"Siknifika katak hakarak fanu fali UDT antigu udetista sira ne'e hodi filafali ba sira-nia fatin iha UDT”, afirma nia.

Enkauntu estratejia prinsipal ne’ebé UDT sei utiliza oinsá labele halo komprimisu falsu, tanba durante ne'e povu sai sasin rasik ba dezenvolvimentu.

Prinsipalmente agora UDT nia kongressu mós besik ona, no hakarak reestrutura UDT nian atubele servisu maka’as liu para aban bainrua bele lao mesak mós sente-an forte.

Bainhira kaer ukun, UDT sei tau prioridade ba pilar esensial nasaun nian mak oinsá labele dependensia produtu alimentar husi nasaun seluk, liuhusi investimentu maka’as iha área agrikula, peska ho pekuária.

"E depois saúde importante, tanba nasaun ida nia rikeza nasaun nian la’ós dependénsia ba rekursu naturál, nomós edukasaun, sira ne'e mak importante e vital tebes ba nasaun ida nia moris”, hatete nia. (*)

Rate this item
(1 Vote)
Last modified on Wednesday, 24 November 2021 17:05
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter