FONGTIL Konsidera AIPNL Sei Rai Tunsan ba Jerasaun Foun

Diretór Ezekutivu Forum Organizasaun Naun Governamentál Timor Leste (FONGTIL), Daniel Santos do Carmo. Diretór Ezekutivu Forum Organizasaun Naun Governamentál Timor Leste (FONGTIL), Daniel Santos do Carmo. Foto Tempo Timor

Tempotimor (Dili)-Diretór Ezekutivu Forum Organizasaun Naun Governamentál Timor Leste (FONGTIL), Daniel Santos do Carmo,  konsidera empresta osan husi Banku Dezenvolvimentu Aziatiku (ADB) ba dezenvolve Aeroportu Internasionál Prezidente Nicolao Lobato (AIPNL) Komoro sei lori tusan ba jerasaun foun sira.

“Lalaika hanoin aeroportu nabilan maibé aeroportu ne'e simples hela, mais nia povu iha área rurál moris prosperu ida ne'e mak sasukat, aeroportu ida nabilan la siknifika ki'ak iha Timor laiha ona, ne'ebé desde uluk kedan ita envolve ativu iha movimentu kontra deve ne'e, tanba deve iha nasaun ne'ebé de'it, nia deve la di'ak no sei lori tusan ba jerasaun sira tuir mai, se bainhira ita laiha jestaun di'ak atu jere deve sira ne'e”, dehan nia iha salaun FONGTIL Kaikoli, segunda (04/10).

Sosiédade sivil kestióna ida ne'e desde uluk kedan, iha tinan 2000 mai to’o 2021 movimentu kontra deve, razaun simples de'it tanba iha referénsia hothotu kona-ba nasaun sira ne'ebé deve barak, sira-nia dezenvolvimentu labele la'o di'ak.

FONGTIL mós lakohi Timor-Leste atu deve osan ho montante sira boot hanesan ne'e labele haluha katak, impreztimu loron ida selu nia funan, nune'e FONGTIL nia pozisaun mak la aseita Governu kontinua dezenvolve polítika impreztimu.

Maibé, oinsá mak útiliza rekursu oitaun ne'ebé Timor-Leste iha ba dezenvolvimentu, la'ós atu depedénsia ba impreztimu, se depedénsia ba impreztimu halo aeroportu hotu iha rendimentu oinsá ida ne'e mak tenke hanoin.

“Aeroportu ne'e hotu, nia bele muda kedan ita-nia nasaun ne'e mais impossivel, entaun ita-nia pozisaun mak deve la'ós solusaun di'ak ba ita-nia nasaun, ita presiza dezenvolve polítika hanoin di'ak ba diversifikasaun ekonómia no lalika hanoin projetu boot sira”, afirma nia.

Antes ne'e, Ministru Finansas (MF), Rui Augostu Gomes, reprezenta Governu Timor-Leste no reprezentante Banku Dezenvolvimentu Aziatiku (ADB), Sunil asina akordu empreztimu ho montante millaun US$135. 

Hafoin asina akordu impreztimu ne'e MF Rui Augusto Gomes hatete, atu mellora konetividade aero nesesáriu tebes ba dezenvolvimentu turizmu ne'ebé hanesan motor importante ida ba kresimentu ekonómiku.

“Timor Leste presiza asesu ne'ebé di'ak ba kapitál internasionál, rekursu umanu no investimentu, mellora konetividade aeru potensialmente sei fó efeitu transformativu ba ekonómia”, dehan Ru Gomes. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter