Login to your account

Username *
Password *
Remember Me

Covid-19 'Salva' Lú Olo ho Mari Kontinua Lidera Fretilin

Prezidente Partidu Fretilin, Francisco Guterres 'Lú Olo' (los) kaer lima ho Sekretáriu Jerál, Mari Bin Amude Alkatiri (Karuk), iha momentu balu liuba.) Prezidente Partidu Fretilin, Francisco Guterres 'Lú Olo' (los) kaer lima ho Sekretáriu Jerál, Mari Bin Amude Alkatiri (Karuk), iha momentu balu liuba.) Foto Suplay

Tempotimor (Dili)-Prezidente Partidu Fretilin, Francisco Guterres 'Lú Olo' ho Sekretáriu Jerál, Mari Bin Amude Alkatiri, maske mandatu termina ona iha loron 3 fulan-setembru 2021, maibé Pandemia Covid-19 ne'ebe salva sira hodi kontinua lidera Partidu Fretilin.

Tanba partidu Fretilin liuhusi Komisaun Politika Nasionál seidauk hanoin atu kria ajenda ba reuniun Komité Sentrál Fretilin (CCF) hodi define ajenda ba Kongressu nasionál tanba difikulta husi pandemia covid-19.

Vise Prezidente Partidu Fretilin, Francisco Miranda Branco hatete, tuir loloos laiha pandemia oras ne’e Fretilin esforsu atu finaliza reestruturasaun iha baze no postu to'o nasionál, maibé ho pandemia Covid-19 difikulta reestruturasaun.

"Akontesimentu sira ne'e, atividade politikas sira ne'e tuir lolos realiza tiha hotu ona, karik kongressu mak seidauk, maibé hetan atrazu tanba de'it situasaun pandemia covid-19", dehan nia iha Parlamentu Nasionál (PN), segunda (06/09).

Tanba ne'e, depende ba partidu bainhira mak halo konvokatóriu ba enkontru Komiasaun Politika Nasionál, hodi halo ajendamentu ba enkontru Komité Sentrál Fretilin, atubele define kongressu.

Maske iha estatutu partidu Fretilin nian mós garante diretu Prezidente no Sekretáriu Jerál atu kontinua asume kargu, bainhira la realiza kongreesu, maibé tenke ho razaun forte. (*)

Rate this item
(1 Vote)
Last modified on Monday, 06 September 2021 16:45
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter