"Ita-nia rekomendasaun mak ne'e, oinsá atu aselera ba planu ida ne'ebé mak hari’i bairu foun, bainhira halo loos ona, atu nune'e ita bele lori komunidade sira agora dadauk sei hela iha eskola sira ne'e, tanba eskola mós agora reativa ona", dehan nia ba www.tempotimor.com hafoin partisipa iha sosializasaun kona-ba vasina iha Sede Aldeia Mota Ki'ik, Suku Hera, tersa (27/07).
Durante inundasaun iha loron 04 fulan-abril liuba, Suku Hera, família hamutuk atusida-resin (100), familia Uma-kain hamutuk 19 mak oras ne'e sei refuziadu hela iha eskola EBC Hera, na'in-37 iha Aldeia Bedik, parte Kapela nian.
“Sira ne'e estragu totál, depois fatin atu filafali ba ne'e, risku ona, ita tama dehan katak ne'e kategória gravé tebes hodi hein desizaun tuir mai husi governu sentrál. Tanba ne'e mak presiza aselera, bainhira halo ona uma iha bairu foun, ita lori komunidade sira ne'e ba hela iha fatin ne'ebé mak dignu”, haktenik nia.
Totál populasaun iha postu Cristo Rei ho abitante kuaze 14.938, husi suku Ailok, Balibar, Bekora, Kamea, Hera, Kuluhun, Bidau Santa Ana, ho Metiaut. No iha aldeia hamutuk 51. (*)
