“Iha Cristo Rei ne'e rasik, nia tarjetu ne'e kuaze iha 44.290 mill. Ida ne'e tarjetu, maibé ema ne'ebé mak agora dadauk vasina ona kuaze iha 15.997 mill, ne'e falta iha 28.320 mill. Ida ne'e siknifika katak partisipasaun vasina ne'e tun hela. Entaun, ho ida ne'e mak ita halo abertura sosializasaun tun ba suku-suku no aldeia sira atu nune'e komunidade sira bele komprende para ita bele haruka sira mai partisipa iha vasina sira ne'e", dehan Gaspar da Silva, iha Aldeia Sede Mota Ki'ik, Suku Hera, tersa (27/07).

Ho atividade sosializasaun ne'ebé membru governu sira hamutuk ho autoridade lokál no komunitáriu sira halo, garante populasaun sira bele iha konsiénsia hodi partisipa hotu iha programa nasionál vasinasaun kombate Covid-19.

"Ha'u garante katak, neneik, bebeik, komu buat ne'e kan informasaun, sira ladun hatene didi'ak, no fim, notísia sira hanesan ohin ha'u hatete ne'e, hanesan hoax (falsu) ne'e mak halo sira pániku. Maibé, ita tama ho sosializasaun ida ne'e, sira komprende neneik, bebeik sira tenke ser partisipa iha vasinasaun”, dehan nia. (*)