Tanba CNJTL aprova estatutu atu hametin no haburas ezisténsia organizasaun ho vizaun estadista no tane ás prinsípiu estadu direitu demokrátiku iha prosesu dezenvolvimentu Nasionál.

Nune'e Prezidente Konsellu Nasionál Juventude no Desportu Timor Leste (CNJTL), Maria Dadi husu ba Governo atu Integra CNJTL ba Orsamentu Jerál do Estadu.

"Ita ko'alia kona-ba organizasaun nia sustentabilidade ita husu ba Governu no estadu atu hamosu rezolusaun ida ne'ebé ke konsidera Konsellu Nasionál Juventude no Desportu hanesan organizaun da rezisténsia nia programa nia finanseiru Integra iha orsamentu jerál do estadu”, dehan Maria Dadi Iha Salaun Dioseze São José, Katedral Dili, tersa (20/07).

Organizasaun CNJTL ne’ebé transofrma husi prejodiu juventude loriku Asu’uain nia baze fundamentu organizasaun rezisténsia sei kontinua hamriik independente hakiak Juventude iha kamada hothotu.

Nune'e Sekretáriu Estadu Juventude Desportu (SEJD), Abrão Saldanha, husu ba Konsellu Nasionál Juventude no Desportu Timor Leste, atu servisu tuir estatutu ne'ebé mak aprova liuhusi Komferensia Nasionál.

"Joven sira iha dever boot liu ba iha rai ida ne'e ba destinu nian, iha ne'e CNJTL iha papel importante ida atu ezerse tuir vizaun no misaun CNJTL nian ne'ebé mak hatur ona iha estatutu konferensia ida ne'e atu aprova no ofisializa tuir mandatu kongresu tinan kotuk nian”, dehan Abrão.

Iha Nasaun barak Konsellu Nasionál Joventude mak iha advokasia ne'ebé Repsenta Juventude sira hodi garabte estadu ka parseiru sira seluk ho responsabilidade ba identifika prioridade propoen polítika no tau matan ba implementasaun ne'ebé implementa husi Governu sai prioridade ba joven sira.

Konsellu Nasionál Juventude no Desportu Timor Leste (CNJTL) realiza Konferensia Nasionál ho nia tema Kontinua hametin no haburas ezisténsia organizasaun CNJTL ho vizaun estadista no tane ás prinsípiu estadu de direitu demokrátiku iha prosesu dezenvolvimentu Nasional. (*)