“Sim, iha duni provas sesta bázika insentiva duni agrikultór sira hasa'e produsaun. Rona Ministru Agrikultura dehan ba ha'u katak tuir dadus ne'ebé sira iha, tékniku sira halo levantamentu iha duni aumenta de produsaun, bele haree natar sira uluk tinan sira kotuk mamuk de'it la halo buat ida agora barak natar sira ne'e kuda hotu ona produsaun sa'e”, dehan Ministru Joaquin iha Palásiu Governu, kuarta (07/07).

Tanba ne’e minitériu halo ona planu atu sei servisu hamutuk ho setór privadu sira hodi sosa produtu ne'ebé agrikultór prodúz dadaun ne’e.

“Governu halo planu atubele sosa, absorve reprodusaun sira ne'e atu bele kontinua garante ba agrikultór sira atu aumenta tan sira-nia esforsu, aumenta sira-nia produsaun tanba Governu ho setór privadu sira kontinua buka atu sosa produtu sira ne'ebé agrikultór sira prodúz”, afirma nia.

Aliende ne’e, programa sesta bázika mós halo redusaunhamlaha tanba ne’e ema hotu asesu ba ai-hán iha situasuan difísil hanesan serka sanitária ne'ebé ema labele halo movimentasaun.

Maibé liuhusi programa ne'e sidadaun hotu bele asesu ai-hán ne'ebé mak munisípiu seluk sira la hetan, maske la'ós hothotu maibé atinje to'o duni objetivu. (*)