“Importante tenke aperta, rigor iha fronteira, para oinsá atu halo evita ema atu halo movimentu, kontrolu iha fronteira, rigór iha fronteira la siknifika katak sidadaun ne'ebé iha nesesidade sira”, dehan Sancho iha edifísiu FM, Bairro Centra, segunda (05/07)
Tanba nesesidade eskola, nesesidade importante fasilita atu sira tama, maibé tenke rigór katak sidadaun sira ne'ebé tama ho intensaun, ba halo atividade Governu proibidu no ida ne'e tenke fó sansaun ne'ebé forte.
Ho aplikasaun aegra rigór atu evita moras inklui eduka sidadaun sira respeita lei no regulamentu sira ne'ebé estabelese iha nasaun ida nian, maibé ho mudansa komandate UPF bele halo mudansa mós iha fronteira.
“Ita espera katak bele halo revizaun no bele halo evaluasaun ba servisu sira ne'ebé mak sente katak sai hanesan problema ita sujere para hadi'a ida ne'e no ita la garante katak komandu ida sa'e ne'e 100% sei hadi’a maibé ho mudansa ida ne'e haree no hanoin katak saida mak sei hadi’a” hatutan nia
Preokupasaun públiku nia durante ne'e liga ba fronteira liuhusi dalan ilegál no iha kazu balun ne'ebé antes ne'e akontese katak fraku iha kontrolu, no iha balun hakat ilegál tanba fasilita husi membru polísia balun tanba ne'e mak halo mudansa ba komandante. (*)