Hafoin enkontru PM Taur husu ba Ajénsia IP-TIC TIMOR, atu ezekuta Orsamentu Jerál Estadu Tuir metas tanba fó implikasaun ba redusaun kustus tinan tuir mai tanba TIC ezekuta OJE segundu trimestral foin to’o pursentu 25.
“Se haree ba ezekusaun ba to’o tinan fim do anu mak TIC labele atinje metas ne’ebé mak iha ne’e iha implikasaun ba orsamentu ne’ebé mak sei atribui tinan oin mai 2022 ne’ebé tenke tenta ezekuta tuir dalan ne’ebé mak iha loloos para ezekuta tuir metas hodi nune’e labele iha implikasaun ne’ebé boot kona redusaun ba kustu orsamentu terseiru trimestre TIC nian iha tinan tuir mai”, hatete Roberto ba Jornalista hafoin hasoru malu ho PM Taur iha Palásiu Governu, kinta (24/06).
Tanba to’o oras ne’e TIC nia ezekusaun Orsamentu Jerál Estadu (OJE) la tuir espetativa ne’ebé mak iha trimestre segundu nian.
“Até a data TIC nia ezekuzaun la dun tuir espetativa ne’ebé mak iha liliu triemstre segundu nian lolos ne’e iha tuir metas ne’ebé mak iha tenke atinje ona 50% maibé na realidade ami seidauk to’o iha ne’ebá foin por volta de 25% husi ezekusaun tomak ne’ebé tenta hela atu aselera ezekusaun ne’e tuir metas posivelmente la to’o target ne’ebé define”, dehan nia.
Aliende ne’e, iha projetu balun ne’ebé mak to’o oras ne’e seidauk atinje tuir espetativa tanba iha lakunas balun ne’ebé mak sai atrazu ezekusaun projetu rua ka tolu ne’ebé mak bele finaliza tuir espetativa.(*)