Governu Kria Lotaria Vasina Kontra Covid-19 Kada Premiu Hetan US$100

Ministru Prezidénsia Konsellu Ministrus, Fidelis Manuel Leite Magalhães. Ministru Prezidénsia Konsellu Ministrus, Fidelis Manuel Leite Magalhães. Foto Suplay

Tempotimor (Dili)-Governu liuhusi reiuniaun Konsellu Ministru (KM) deside hodi aprova dekretu lei ba kriasaun sorteiu lotaria vasina kontra Covid-19 kada premiu montante US$100.

 “Atu insentiva vasinasaun, Konsellu Ministrus aprova ona projetu Dekretu-Lei ba kriasaun sorteiu “Lotaria Vasina kontra COVID-19”, ne’ebé aprezenta husi Ministru Finansas, Rui Augusto Gomes”, informa Ministru Prezidénsia Konsellu Ministrus, Fidelis Manuel Leite Magalhães, iha Palásiu Governu, kurtta (23/06).

Reiuniiaun KM iha loron 23 fulan-juñu tinan 2021 define sorteiu ne’e konsiste iha atribuisaun prémiu ho forma aleatória ba ema singular sira ne’ebé validamente partisipa iha sorteiu.

Tanba ne’e, bele partisipa iha “Lotaria Vasina kontra COVID-19” ema ne’ebé simu ona vasina kontra COVID-19 iha teritóriu nasionál, hahú husi fulan-jullu.

“Kada prémiu ho valór dolar amerikanu 100 no sorteiu ne’e sei hala’o kada fulan iha suku, to’o loron 20 kada fulan”, dehan nia.

Husi númeru prémiu ne’ebé atribui husi kada sorteiu depende ba númeru ema ne’ebé maka vasina ona iha área suku nian. Entre ema 50 no 150 ne’ebé vasina ona iha fulan ne’e mak atribui prémiu entre ema 151 to’o 300 simu ona vasina fulan ne’e sei atribui prémiu tolu entre ema 301 no 500 ne’ebé simu ona vasina iha fulan ne’e sei atribui prémiu neen. No ema 501 ba leten ne’ebé simu ona vasina fulan ne’e sei atribui prémiu sia.

“Laiha fatin ba sorteiu karik iha fulan determinadu existe ema menus husi 50 mak abilitada atu partisipa, ema hirak ne’e sei integra fali ba iha fulan tuir-mai”, afirma Fidelis. (*)

Rate this item
(1 Vote)
Last modified on Wednesday, 23 June 2021 17:20
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« August 2021 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter