“Konsellu Ministrus aprova mós Projetu Rezolusaun Governu nian ne’ebé mantein impozisaun serka sanitária iha Munisípiu Baukau no Dili ba loron hitu tan”, hatete Ministru Prezidénsia Konsellu Ministrus, Fidelis Manuel Leite Magalhães, iha palásiu Governu, kuarta (23/06).
Iha situasaun ne’e, bandu nafatin sirkulasaun ema nian entre munisípiu Baukau no Dili no sirkunskrisaun administrativa sira-seluk ne’ebé presiza hetan autorizasaun.
Bakazu hirak ne’ebé ninia fundamentu forte tanba razaun seguransa públika, saúde públika, asisténsia umanitária, manutensaun sistema abastesimentu públiku, ka razaun seluk ne’ebé presiza atu hala’o ba interese públiku nian.
“Konsellu Ministrus deside ona atu la renova impozisaun serka sanitária iha Munisípiu Bobonaru no Kovalima”, deklara nia. (*)