“Ita-nia dialogu ne'e mantein komunikasaun regular ho Governu liuhusi Gabinete Primeiru Ministru depois ba Primeiru Ministru, atu hafanun no hasee beibeik ita-nia empreza estatál sira liliu Bee Timor-Leste (BTL), Eletrisidade Timor-Leste (EDTL,ep). Nomós obras públiku atu hadi’a sistema sira, implementasaun programa projetu sira iha terenu”, dehan Daniel iha salaun Komisaun Nasionál Eleisaun (CNE), Kolmera, sesta (18/06).
Tanba buat barak hatudu iha planu di'ak, polítika di'ak maibé nia ezekusaun hamosu nafatin fallansu. Maibé dialogu ne'e, atu mantein komunikasaun entre sosiedade sivíl ho empreza sira.
Maibé FONGTIL seidauk halo avaliasaun ba Orsamentu Jerál Estadu 2021, tanba sei iha prosesu monitorin, inklui membru sira iha munisípiu ne’ebé monitoriza hela implementasaun orsamentu.
Iha serbisu monitorizasaun ne’ebé la'o hela seidauk iha rezultadu finalidade, maibé iha semana rua mai sei lansa relatóriu rua iha setór edukasaun no agrikultura, kona-ba estragu no impaktu husi Covid-19 nomós inundasaun.
Maske Governu iha prioridade barak maibé prioridade prinsipál ne'ebé presiza hanesan Bee, estrada rurál, eletrisidade, saúde no edukasaun.
“Hamenus gastu sira ba infraestrutura boot sira hanesan, Portu, aeroportu, estrada dalan tol, atu ita foku ba dezenvolvimentu sira ne'ebé ligasaun ho povu nia moris”, afirma nia. (*)