PR Lú Olo Deside La Marka Prezensa iha Simeira CPLP

Prezidente Repúblika (PR), Francisco Guterres 'Lú Olo'. Prezidente Repúblika (PR), Francisco Guterres 'Lú Olo'. Foto Suolay

Tempotimor (Dili)-Prezidente Repúblika (PR), Francisco Guterres 'Lú Olo', deside la marka prezensa iha Simeira Komunidade Pais Língua Portugues (CPLP), tanba pandemia Covid-19.

"Ami ko'alia kona-ba simeira CPLP, ha'u mai husu Prezidente Repúblika se iha desizaun atu ba simeira kalae?. Mais Como ita haree mós situasaun iha rai laran Prezidente deside nia sei la ba", dehan Ministra Negósiu Estranjeiru no Kooperasaun (MNEK), Adaljiza Magno hafoin sorumutu ho Prezidente Repúblika iha palásiu prezidensiál Bairopite, sesta (11/06).

Nune'e, iha kauza ida ne'e Ministra Adaljiza rasik mak sei ba, no hetan akompaña husi enviadu espesial estadu nian.

"Simeira CPLP topik ne'ebé mak Angola atu foti mak kooperasaun ekonómika, ne'ebé mak haree liu depois de pandamia, ita atu foku ba ekonomia diplomasia ne'ebé mak MNEK rasik mós fó atensaun  barak,  oinsá atu ita iha tan kooperasaun iha ekonomia”, hatete nia.

 Iha simeira ne’e mós sei aprova mobilidade, mobilidade hanesan livre tranzitu ba Pais CPLP sira, ezemplu hanesan estudante sira, profesór sira no médiku sira bele ba mai servisu iha nasaun membru CPLP nian.

Iha parte seluk Ministra mós aprezenta kona-ba embaixada sanulu-resin-tolu, ne’ebé Prezidente Repúblika aprova ona, hein halo pedidu agrimon ba pais sira seluk ne'ebé emibaixadór sira atu ba.

"Kuandu países sira aseita ona, Prezidente sei fó poder ba sira”, hatutan nia.

Nasaun sira ne’ebé iha hanesan Malázia, Vietname, Brunei, Mianmar, Nova Zelándia, Bruxelas, Zeneva, Nova Iorke, Jakarta, Maputu, Angola, Áfrika Súl, Korea Súl no Tailándia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter