Login to your account

Username *
Password *
Remember Me

PR Felisita Servisu Alcino Barris, Hakarak José Belo Susesu iha CNE

Prezidente Repúblika, Francisco Guterres 'Lú Olo' lansamentu hela livru sasukat ba estadu direitu demokrátika, iha salaun Laline Larigutu CNE, kinta (12/08). Prezidente Repúblika, Francisco Guterres 'Lú Olo' lansamentu hela livru sasukat ba estadu direitu demokrátika, iha salaun Laline Larigutu CNE, kinta (12/08). Foto Suplay

 

Tempotimor (Dili)-Prezidente Repúblika (PR), Francisco Guterres 'Lú Olo', felisita ba Prezidente sesante Komisaun Nasionál Eleisaun (CNE), Alcino Barris hamutuk ho ekipa ne’ebé servisu ho responsabilidade iha mandatu tinan 2016-2021.

Maibé hakarak Prezidente foun CNE, José Agostinho Belo ho nia ekipa susesu iha servisu ba mandatu tinan 2021 to’o 2026.

"Ha’u hakarak felisita Alcino Barris, nu’udar Prezidente CNE nomós  ninia ekipa tomak ba servisu exelente ho responsabilidade as no klean tebes ba mandatu husi tinan 2016  to’o 2021 no husik hela legadu di’ak tebes  ida ba instituisaun ida ne’e. Ba Prezidente CNE foun, eleitu husi Parlamentu Nasionál, José Agostinho Belo, no ninia ekipa tomak. Ha’u deseja susesu ba kna’ar todan ida ne’e", dehan Prezidente Repúblika iha abertura Workshop nasionál ho tema: Evolusaun Demokrasia Timor-Leste iha salaun CNE, kinta (12/08).

Iha fulan haat tuir mai, instituisaun relevante sira ho kna’ar relasiona ho resenseamentu eleitorál no organizasaun eleisaun sei servisu maka’as tebes atu eleisaun prezidensiál bele la’o ho susesu iha fulan-marsu tinan 2022.

"Ba CNE no STAE nomós ba ekipa organiza no partisipante sira iha workshop nasionál ida ne’e, ha’u fó fiar katak sei identifika aspetu pozitivu no negativu liuhusi esperiénsia uluk, atu halibur lisaun di’ak hodi hasa’e partisipasaun Povu nian iha eleisaun sira tuir mai no garante katak sei la’o iha ambiente hakmatek, livre, demokrátiku no justu”, dehan Lú Olo.

Hamutuk ho Konstituisaun RDTL nu’udar matadalan prinsipál, hakiak no haburas País, ho  demokrasia, pás no estabilidade no hasa‘e moris-di’ak ba Povu tomak. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter