Vídeo konferensia ho Embaixadór Timor-Leste nian hamutuk 27 no xefe misaun inklui konsultadu jerál ne'ebé hala'o servisu iha rai liur, kinta (27/05), atu fó orientasaun ba embaisador sira hala'o serbisu bazeia ba polítika oitavu governu konstituisional.
Ministra Negósiu Estranjeiru no Kooperasaun, Adaljiza Magno hatete, normalmente reuniaun ne’ebé mak MNEK halo ho Embaixadór kada tinan sempre halo
“Normalmente kuandu situasaun permite, Embaixadór sira husi rai liur, mai enkontru iha ne'e tinan-tinan, hanesan obrigasaun. Maibé situasaun akontese iha pasadu, tinan lima ona, MNEK la organiza reuniaun Koordenadór ba dirijente sira-nian entaun tinan ida ne'e ami halo, tanba sira labele halo viajen, ami halo de'it atraves Virtual, video (konferensia)”, dehan nia iha timor Plaza, kinta (27/05).
Durante enkontru, MNEK mós fó infromasaun ba Embaixadór sira, atubele halo serbisu bazeia ba planu dezenvolvimentu estratéjiku, planu governu konstituisional.
“Saida mak sira halo bazeia ba politika nasional governu nian, hodi Embaixadór sira implementa iha rai liur”, afirma nia. (*)