Maske situasaun pandemia Covid-19 ne’ebé Timor-Leste hasoru dadaun ne’e, sai hanesan dezafiu boot ba Estadu oinsá bele realiza festa demokrasia iha tinan 2022.
Tanba Konstituisaun Repúblika Demokrátika Timor-Leste (K-RDTL) rasik garante atu kria eleisaun prezidensia kada tinan lima no laiha dalan atu adia eleisaun importante.
"Ho ida ne'e hakarak ka lakoi tenke iha duni eleisaun prezidénsial. Atu liuhusi mekanizmu saida, governu mak tenke hatene atu tau mekanizmu atu oinsá halo eleisaun prezidénsia ne'e”, dehan Filomena iha nia kna’ar fatin farol, kinta (27/05).
Enkuantu, Pozisaun Yayasan HAK sei sujere nafatin ba governu, atu labele muda eleisaun prezidensia períodu tinan 2022 ba 2027.
"Ita-nia konstituisaun repúblika hatete ona iha ne'eba, Viola ona buat barak, husu atu labele viola tán”, dehan nia. (*)