Login to your account

Username *
Password *
Remember Me

Governu Prepara Sistema ID Úniku Ba Rejista Sidadaun iha Tinan 2022

Ministru Prezidénsia Konsellu Ministru, Fidélis Leite Magalhães. Ministru Prezidénsia Konsellu Ministru, Fidélis Leite Magalhães. Foto Suplay

Tempotimor (Dili)-Governu liuhusi  Sistema ida Identifikasaun Úniku nian (ID Úniku, IDU) asiste ona aprezentasaun kona-ba Estratéjika Integrada ba Implementasaun Sistema ida Identifikasaun Úniku nian (ID Úniku, IDU) hodi prepara ba rejistu sidadaun sira iha tinan 2022.

Aprezentasaun sistema ne’e, mai husi Diretór Ezekutivu TIK Timor nian no Prezidente Komisaun Téknika Eventuál ne’ebé sai hanesan responsavel ba preparasaun nian, Roberto Caetano de Sousa Vicente.

"Hanesan Ita-boot sira hatene, iha komisaun ida ne'ebé prepara servisu, propósta dezeñu ba implementasaun programa, projetu unik ID, konklui ona sira-nia servisu. Ohin (26/05) sira aprezenta relatóriu no sira-nia dalan, planu asaun ba oin nian", dehan Ministru Prezidénsia Konsellu Ministru, Fidélis Leite Magalhães, iha Ministériu finansas, kuarta (26/05).

Ho estratéjia ida-ne’e sei implementa husi tinan 2021 to’o tinan 2025, no prevé katak rejistu dahuluk sei realiza iha trimestre dahaat tinan 2022 nian no to’o tinan 2025 nia rohan sei rejista ona ema tokon 1.

Sistema Identifikasaun Úniku Sidadaun sira-nian ne’e, halo parte ba Programa Reforma Administrasaun Públika no sai nu’udár baze importante atu hadi’a prestasaun efetiva, efisiénsia no planeamentu servisu públiku sira-nian, atu asegura jestaun no koordenasaun ne’ebé di’ak liu kona-ba polítika sosiál, iha tempu hanesan permite kontribui ba konstrusaun estruturada governasaun eletrónika nian iha Timor-Leste.

Tanba, ID Úniku ne’e sei uza dadus dijitál ki’ik lubun ida, hodi estabelese identidade dijitál ida, ba ida-ne’ebé sei atribui númeru identifikasaun úniku ida ne’ebé kria sein kritériu definidu ruma.

ID ne’e sei iha informasaun biográfika ki’ik lubun ida, hanesan naran, data no fatin moris nian no informasaun sira-ne’e sei uza de’it hodi atende ba nesesidade sira atu komprova identidade no konformidade, hanesan inskrisaun ba servisu no pagamentu governu nian sira no atu loke konta bankária.

Aliende ne’e, sei uza mós informasaun biométrika sira, ba ema sira ne’ebé ho idade tinan 13 ba leten, hodi estabelese singularidade indivíduu sira-nian no fasilita autentikasaun segura husi identidade únika ida. (*)

Rate this item
(2 votes)
Last modified on Thursday, 27 May 2021 14:30
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter