Iha reuniaun Konsellu Reitór ho Magnifiku Reitór sira husi Instituisaun Ensinu Superiór Públiku no Privadu akreditadu hodi ko'alia kona-ba propinas no pulsa ba estudante sira.

"Ohin ita aprezenta ajenda lubun, aprezenta diploma Ministerial kona-ba propinas, asina nota entendimentu ho instituisaun privada no públiku aprezenta mós ba Reitór no prezidente instituisaun sira kona-ba liña kreditu horseik (26/05) aprova ona husi Konsellu Ministru (KM)”, hatete Ministru Longuinhos dos Santos iha salaun Novo Turizmu, kinta (27/05).

Bainhira akordu halo ona, hafoin bele asesu fundu ne’ebé governu prepara hodi benefisia estudante universitáriu sira.

“Kuandu ita halo ona asina nota entendimentu Prezidente instituisaun privadu no públiku no magnífiku Reitór sira depois ne'e dokumentu ofisiál ida hodi enkaixa atubele asesu fundus Covid nian atu halo ona pagamentu estudante sira”, afirma nia.

Nune'e Reitór Universidade Nasionál Timor Lorosa'e (UNTL), João Soares Martins hatete, dadus husi UNTL to’o ona iha Ministériu hodi hein propinas husi Ministériu.

Husi fadus sira ne'ebé UNTL haruka porvolta rihun-20-resin atubele hetan apoiu husi MESSK. (*)