“Apela ba komunidade Oé-Cusse iha Dili. Autoridade OeKusi kontinua halo esforsu prepara kondisaun iha Oé-Cusse ho hari’i kapasidade quarentena 100-200 pessoas iha Portu kitahara-Mahata, hodi bele simu no fasilita pasajeirus sira mai husi Dili, Iha semana nee nia laran”, deklara Arsénio iha pájina ofisial ZEESM, kuarta (19/05).

Tanba prosesu kontrusaun sei hahú, objetivu husi politika ne’e, atu kontinua prevene no kontrola Covid-19 iha RAEOA hodi bele proteje populasaun 85.000 iha RAEOA ne’ebé provizoriamente seguru tan laiha transmisaun lokál ka komunitaria.

Maibé, husu ba Oekusioan hotu iha Dili kontinua buka dalan hodi hetan Vasina AstraZeneca no hakbesik ba Autoridades Governu Sentral hodi hetan tulun ba ai-han ne’ebé Governu deside ona atu oferese ba komunidade iha Dili.

Autoridade sei kontinua informa situasaun ne’e ba Governu Sentral hodi fasilita no tulun ba Oekusioan sira iha kapitál nasaun.

Tanba, prioridade importante mak populasaun 85000 hela iha Oékussi seguru husi moras Covid-19.

Autoridade mós lakohi foti risku hatama RAEOA iha situasaun transmisaun lokál no transmisaun komunitaria Covid-1, tan fasilidades Saude Oé-Cusse iha ospital hanesan oxygen no ventilador limitadu.

“Oekussi mós iha komunidade barak ferik no katuas ne’ebé iha moras TB (Tuberculosis), tensaun, hepatitis ne’ebé frajil ba Covid-19 atu oho ema wainhira sira hetan moras Covid-19. Wainhira kondisaun kuarentena sufiente ona Autoridade RAEOA sei normaliza transporte ema no sasán ba mai”, esklarese nia.

Husu pasiénsia hodi konsege hases Oekussi husi moras Covid-19 liliu transmisaun lokál no transmisaun komunitaria.

“Maske ita-boot sira hirus lagosta desizaun ne’e maibé prioridade mak ema 85000 atu labele hetan moras hadaet Covid-19 iha RAEOA”, afirma Arsénio. (*)