Login to your account

Username *
Password *
Remember Me

Problema Rede Internet, Governu Atribui Linsensa Sertifikadu ISP ba MetroLink

MTK, José Agostinho da Silva intrega sertigikadu no lisensa ba CEO Metrolink, José dos Reis "Noqy" iha edifisiu ANC-MTK Kaikoli Dili, Sesta (09/07) MTK, José Agostinho da Silva intrega sertigikadu no lisensa ba CEO Metrolink, José dos Reis "Noqy" iha edifisiu ANC-MTK Kaikoli Dili, Sesta (09/07) Foto Tempo Timor

Tempotimor (Dili) - Governu liuhusi Ministériu Transportes no Telekomunikasaun (MTK) liliu Autoridade Nasionál Komunikasaun (ANC) atribui tan sertifikadu no lisensa ba Kompaña MetroLink nu'udar kompaña fornesidór ba Internet Service Provider (ISP) iha Timor-Leste hodi solusiona no normaliza rede internet iha Timor-Leste.

Ministru Transporte no Telekomunikasaun, José Agostinho, esplika governu nia papel mak fasilita entidade kompaña hotu ho regra nu'udar baze formaliza ba ezistensia kompaña sira mak dekretu lei númeru 15/2012.

Tanba ne’e nu'udar mata dalan ba ANC iha artigu 30, kompaña sira atu sai fornese ISP ba kliente tenke kumpri rekezitu sira ne'ebé sita iha lei númeru 15.

“Governu atraves MTK liuhusi ANC oinsá mak fó solusaun rápida ba kestaun ida-ne'e, atubele fasilita ita-nia ajensia governu, entidade hothotu no populasaun em jerál oinsá mak hele asesu ba rede telekomunikasaun internet ne'ebé mak di’ak no seguru”, dehan José iha nia-kna’ar fatin MTK-ANC Kaikoli Dili, sesta (09/04).

Governu iha dever obrigasaun promove sira-nia ezisténsia hodi formaliza kompaña sira bazeia ba regra dekretu Lei númeru 15/2012 artigu 30 ne'ebé sita rekezitu sira ne'ebé obrigatoriumente tenke prense hanesan rekezitu tékniku no admistrativas, legal sira ne'ebé mak kompaña sira antes servisu ba entidade hotu inklui Ajénsia governu sira.

"Kompaña sira tenke priense rekezitutékniku, admistrativa no legal ne'ebé mak kompaña sira tenke kumpri e nune'e sira halao operasaun hala’o atendementu sira-nia kliente, subscriber sira e parte seluk sira mós kumpri dever ba estadu”, afirma José.

Tuir MTK, durante ne'e públiku nia prekupasaun mak kustu internet ne'ebé karun maibé kualidade no velosidade ne'ebé lentu nune'e ho prezensa ezisténsia kompaña sira bele normaliza velosidade internet ba públiku utilizadór inklui kliente sira.

Maibé, demanda ba rede internet aas liu tiha kapasidade internet ne'ebé iha, hahú primeiru governu to’o agora Timor-Leste iha kapasidade rede internet benwits 200 Mps/second ne'ebé fornese ba ajensia hamutuk 196 no dadaun ne'e 205 ajensia ne'ebé mak sai benefisiáriu ba kapasidade benwits

"Ho prejensa kompaña sira, ita-nia espetativas ba futuru ita sei normaliza situasaun komunikasaun, oinsá mak ita-nia sidadaun, ajensia, subkraber kompaña sira bele asesu rede internet ne'ebé adekuadu no kualidade”, dehan José.

Chief Executive Officer (CEO) MetroLink, José dos Reis "Noqy" hatete, Metrolink uza teknolojia misturadu frekuénsia kabusumarinu husi Alor-Indonézia ba Singapura nune'e MetroLink garante bele eziste hikas merkadu ho kualidade no velosidade hanesan uluk.

Haree ba lei númeru 15/2012 fó kompeténsia atu kompaña sira mai halo rejistu kumpri kriteiria no hetan lisensa tanba ne'e parte husi prosesu extraordinária mesmu iha situasaun balun traumatiku.

"Ida-ne'e prosesu normal ida, tanba ANC ezerse nia funsaun hanesan babain e ami tenta atu kumpri rekezitu ne'ebé ANC fó ne'ebé laiha sentimentu extraordináriu tanba iha buat balun mak traumatiku maibé la’ós tanba ANC”, dehan Noqy.(*)

Rate this item
(0 votes)
Last modified on Friday, 09 April 2021 12:42
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter