MAPKOMS Deside Retenderizasaun ba Edifisiu RTTL

Ministru ba Asuntu Parlamentar no Komunikasaun Sosial (MAPKOMS), Francisco Martins da Costa Pereira Jerónimo Ministru ba Asuntu Parlamentar no Komunikasaun Sosial (MAPKOMS), Francisco Martins da Costa Pereira Jerónimo Foto Arkivu

Tempotimor (Dili) - Governu liuhusi Ministériu ba Asuntu Parlamentar no Komunikasaun Sosial (MAPKOMS), deside halo retenderizasaun ba projetu konstrusaun edifisiu foun Radiu Televizaun Timor-Leste, Empreza Públiku (RTTL,ep), tanba nesesidade mak 'obriga'.

Haree ba kondisaun edifisiu RTTL ne’e sempre hetan dezastre iha tempu udan, tanba bee ne’ebé nalihun no la fó espasu ba funsionáriu sira atu halo servisu.

Ministru Francisco Martins da Costa Pereira Jerónimo deklara, nia parte hanoin hela atu halo prosesu foun ba edifisiu RTTL tanba iha loron domingu 4 fulan-abril, wainhira ba observa edifisiu RTTL, hetan inundasaun maka’as.

"Sim edifisiu RTTL horibainhira ha’u ba haree tiha ona, e ha’u hanoin presiza halo prosesu foun, eagora hahú hela prosesu sira ne'e”, dehan nia ba www.tempotimor.com iha PN kinta (8/4).

Felismente prosesu hirak ne'e dala barak ko’alia ona, maibé MAPKOMS nafatin dedende tinan ida ne'e pelumenus estudu viabilidade tenke remata, atu nune'e tinan oin hahú prosesu konstrusaun.

Tanba, problema iha tempu liuba, governu halo tiha ona tenderizasaun no iha emprezáriu timoroan balun mak manán tiha tender atu halo estudu viabilidade maibé to'o agora emprezáriu ne'e rasik lakonsege atu mobiliza ninia ema iha rai liur, atu mai para bele halo estudu.

"Tanba ne'e ha’u hanoin presiza halo prosesu foun ba ida ne'e”, dehan nia.

Tuir planu edifisiu RTTL,ep ne’ebé sei hari’i hamutuk ho Ajensia Notisioza Timor-Leste, instituisaun públiku (TATOLI) iha área Aimutin-Díli.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter