PGR Iha Tendensia Budu Prosesu Kazu Ró Haksolok

Tempotimor (Dili) - Bankada CNRT Iha Parlamentu Nasionál (PN) konsidera Prokuradór Jerál Republiku (PGR) iha tendensia atu budu prosesu kontinua ba kazu Ró Ferry Haksolok iha Ministériu Públiku (MP).

Deputadu Gabriel Soares hatete, Kamara Kontas rasik deskobre ona iregularidade husi kazu Ró Ferry haksolok ne’ebé halo tiha ona pagamentu pursentu atus ida (100%), maibé Ró refere rasik seidauk to'o iha TL.

“Prokuradór Jerál Repúblika nia servisu ne’ebé la imparsiál tanba Prokuradór Jerál la prosesa no iha tendénsia budu tiha kazu Ferry Haksolok”, dehan nia liuhusi deklarasaun politika, iha plenária PN, segunda (29/03).

Kazu ne’ebé la konsege nia kontinuasaun iha Ministériu Públiku, la'ós de'it kazu ferry haksolok, maibé iha mós kazu barak ne’ebé Câmara de Contas rasik deskobre iha irregularidade no ilegalidade, hanesan kazu ferry haksolok inklui akizisaun USB kada unidade ho folin US$450 ne’ebé akontese iha RAEOA-ZEESM mós seidauk iha prosesu kontinuasaun.

Ho ida ne'e, Bankada CNRT husu ba Prokuradór Jerál Repúblika iha MP atu servisu ho imparsiál hodi defende interese estadu RDTL nian, liuliu atu implementa Lei ho justu no hanesan ba ema hotu.

Bankada CNRT husu atu Ministériu Públiku labele sai fali knuuk ba atividade polítika, tanba sei fó ameasa ba justisa iha Timor-Leste no halo rahun liután prinsípiu Estadu Direitu Demokrátiku.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter