Aviaun Airasia ne'ebé tula Xineza hamutuk 154 iha loron sábadu (20/03) iha Timor-Leste ne'e, sira ne'e tekniku ba kaer projetu boot ida iha portu Tibar.
"Xineza sira ne'ebé mai ne'e, sira traballadór ne’ebé servisu iha Portu Tibar, sira mai la'ós ba liu servisu maibé sira mós nafatin kumpri autokuarentina durante loron 14 no sira tuir teste PCR ho rezultadu negativu hafoin sira sai ba servisu”, dehan nia iha PN, segunda (22/03).
Bainhira Timor-Leste mós hanoin loke koridor ida ne'e ba distritu sira atu tama mai iha Dili, mak nafatin kumpri autokuarentina durante loron sanulu resin-haat (14), ne'e mós hanesan de'it, tanba sira remata autokuarentina loron sanulu-resin-haat lockdown mós remata ona.
“Ne’ebé ita dehan governu halo diskriminasaun ne'e hanusa, ita taka dalan ne'e tanba atubele fó tempu ba Ministériu saúde (MS) ho sala Situasaun Integradu jestaun Krize (SIJK) atubele atende hodi haree no deteta mitigasaun alastramentu covid 19 ba fatin fatin ne'e mak halo atu fó garantia ida katak ita hakark duni atu kombate covid-19 iha ita-nia rai”, hatete Ministru.
Tamba sira mai husi estranjeiru ne'e deteta kedan ona, hanesan mós timoroan balun ne'ebé mai, labele dehan keta simu no sira lalika mai, maibé tenke simu tanba ne'e sidadaun Timor, maibé sira mós nafatin kumpri konfinamentu loron sanulu-resin-haat hafoin ba sira-nia hela fatin. (*)