Login to your account

Username *
Password *
Remember Me

Konsuladu Iha Sydney Utiliza Osan Privadu Ba Diplomasia Estadu

Tempotimor (Dili) - Konsul Jeral Timor-Leste iha Sydney, Luciano Valentim da Conceição hatete, durante fulan haat, komesa iha fulan-novembru tinan 2020 to'o agora nia parte utiliza osan privadu hodi hala’o servisu diplomata ninian, tanba defende dignidade estadu iha rai liur.

Tanba, durante ne’e orsamentu seidauk tama iha bankaria, signifika orsamentu laiha sei hamonu imajen nasaun Timor-Leste nian iha Austrália, tanba ne’e utiliza osan privadu hodi selu administrasaun, seguro saúde no nesesidade sira seluk.

Problema ne'ebé konsuladu hasoru hanesan, asuntu tékniku balun ne’ebé presiza orsamentu atu selu kada fulan.

Maibé, sira akompaña situasaun rai laran katak problema ne'e la'ós de’it mai misaun iha rai liur maibé Ministériu balun mós enfrenta tanba dalaruma sei presiza reazusta programa balun iha efeitu ba Ministériu balun Inklui mós mai iha Austrália.

“Ha'u hanesan xefe misaun nian iha ne'e, kuandu situasaun ne'e kontinua to'o semana tolu fulan ida ne'e, bele estraga ita-nia imajen iha ema nia rai”, dehan Luciano liuhusi telemovel ba www.tempotimor.com iha Palapásiu, tersa(16/03).

Maske, iha fulan-fevereiru no fulan-marsu nia laran simu informasaun katak osan bens servisu iha fulan-novembru no dezempru konsege manda maibé iha misaun rua mak problem ba konta bankária mai hanesan ho misaun ida husi Estadus Unidus Amerika, karik Nova Iorke ou Washington, la hatene tanba misaun rua mak iha Estadu Unidus Amerika.

"Ha'u hatete lolos katak osan ba bens servisu nian, ami-nian la mai desde fulan-novembru tinan 2020 no mai husi dezembru to'o iha agora”.

"Problema ne'e ami-nia bankaria mak sala, bankária ida ne'ebé mak sala tanba ha'u mai desde tinan 2019 bankaria úniku desde loke inisiu iha tinan 2003 atu utiliza nafatin númeru bankária ne'e so númeru inderesu ne'e mak ita muda alamat (fatin) de'it, ne'ebé ha'u la komprende", informa Luciano.

Maibé foin dadaun Komunikasaun ona ba Sekretáriu Jerál katak fulan-novembru ho dezembru ne'e bele hatama de’it ona tanba osan filafali ba kovre estadu.

"Entaun ami hein fulan-janeiru no fevereiru nian to'o agora mós seidauk mai, ha'u nu’udar konsuladu Jerál, ha'u so úniku misaun iha Sydneiy ne’ebé ha'u mesak de’it no ha'u-nia staf mós ida de'it”, dehan nia.

Maske lei fó dalan atubele rekruta kondutór, staf lokal administrasaun no staf lokal akountan maibé laiha no utiliza de’it transporte públiku ba tuir enkontru sira.

"Staf lokal mak dalaruma nia lori karreta ajuda ha'u, staf lokal ida ne'e desde fulan-novembru to'o agora ami seidauk selu, estadu Timor-Leste seidauk selu e grasa Maromak nian, nia ema di'ak ema timorense ida iha Austrália hela iha ne'e desde tinan 1975”, hatete nia.

Nune’e mós parte administrasaun konsuladu sira hanesan Darwin, Bali no iha embaixada hotu hanesan hotu.

“Ha’u-nian mak laiha ami merankap hotu servisu maibé ha'u la levanta ida, tanba ha'u mai husi vida ativizmu servisu ida ne'e ha'u haree todan maibé la todan mai ha'u tanba ha'u bele halo no rezultadu di'ak”, deklara nia.

Maibé, importante liu mak uma, rendimentu ne'ebé selu 6000.00 resin dólar Austrália kada fulan hamutuk ho seguru saude bele liu, maske liu ona prazu maibé seidauk selu.

"Ha'u tenta hanesan konsul Jerál, ha'u koko komunika ho impreza na’in maibe dehan deskulpa ida ne'e laiha toleránsia ida ne'ebé to’o fulan oin, tanba loron 1 fulan-abril ami tenke selu nafatin, se osan la mai ami buka solusaun seluk uza osan privadu selu maibé ida ne'e, ha'u la hatene lei prevene kalae?. Mas ba Dignidade estadu ha'u bele halo uza osan privadu selu administrasaun balun, seguru saúde no buat seluk, balun atubele kompania nia na’in-sira ne'e la bele levanta tuir dalan legal”, esplika Konsuladu ne’e.

Haree ba atividade Konsuladu sira liga ho misaun ninian tantu ho diplomatiku, polítika la'o normal no laiha obstakulu mesmu Covid-19 maibé reprezentasaun misaun Timor-Leste iha Sydney tau matan ba atividade polítika diplomátika la’o di’ak.(*)

Rate this item
(1 Vote)
Last modified on Wednesday, 17 March 2021 09:04
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter