Konstrusaun Ró Haksolok TL Tenke Hasai Tan Millaun $14 Featured

Ministru Transporte Komunikasaun Jose Agustinho ko'alia hela ba media iha Palasiu do Governu Ministru Transporte Komunikasaun Jose Agustinho ko'alia hela ba media iha Palasiu do Governu Foto Tempo Timor

Tempotimor (Dili) - Prosesu konstrusaun ba Ro Haksolok atinze ona porsentu 70, signifika hela porsentu 30 deit prosesu ne'e sei remata. Maibé atu finaliza governu Timor Leste presiza tan hasai osan adisional hamutuk millaun $14 resin.

Tuir kontratu ne'ebé iha Ro Haksolok konstrui husi kompaña ho naran Eagel Ship Building husi Portugal.

Ministru Transporte no Komunikasaun (MTK) José Agustinho ne'ebé haree rasik ona porsesu konstrusaun ro ahi Haksolok iha Portugal bainhira partisip iha Ocean Meetig informa katak progresu ba ro ahi ne'e la'o nafatin.

"Ami ba haree duni, ro ahi nia progresu konstrusaun ne'e la'o nafatin, ita bele dehan sedu ka tarde ro ahi ne'e sei mai Timor. Tanba ha'u ba haree duni ro ahi ne'e nia progresu la'o, ne'ebé realidade mak ne'e. Ha'u laos haree oklu tekniku ninian maibé progresu ro ahi nian la'o karik bele tau ba iha persentajen mak husi 65-70%”, informa ministru ne'e iha palásiu governu, Segunda (27/05/2019).

Iha oportunidade viIta ne'e, Ministru José dehan, nia parte mós halo enkontru ho jestór no tékniku sira ne'ebé konstrui ro ahi Haksolok.

Iha enkontru ne'e, nia hatutan parte konstrutor sira promete atu esforsu hodi aselera prosesu konstrusaun.

"Sira dehan bele to'o fulan neen (6) sira finaliza (konstrusaun) ro ne'e. Ne'e estetmentu ne'ebé sira fó ami, maibé depende ba prosesu ne'ebé la'o iha terenu".

Kona-ba orsamentu, Ministru José hatete, molok ne'e governu aloka ona orsamentu millaun  $13 ba prosesu konstrusaun nian.

“Mais depois de prosesu konstrusaun ne'e la'o presiza tan orsamentu adisional par bele finaliza. Klaru katak prosesu ne'e la'o ona, agora oinsa mak ita husi parte hotu, média, governu akompaña par oinsa ro ne'e bele la'o no ikus mai bele finaliza par bele fó atendimentu ba povu. Prontu, orsamentu adisional neebé konforme sira informa mai delegasaun pur volta de $14 milioens itál ne'ebé sei tau iha tinan ida ne'e”, dehan ministru José.

Rate this item
(0 votes)
Last modified on Tuesday, 28 May 2019 21:39
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com