MAE Sei Reabilita Sede Suku 257 no Oferese Komputadór ho Printer

Ministru Administrasaun Estatal, Miguel Pereira de Carvalho ko'alia iha sorumutuk ruma iha kna'ar fatin Ministru Administrasaun Estatal, Miguel Pereira de Carvalho ko'alia iha sorumutuk ruma iha kna'ar fatin Foto Arkivu

Tempotimor (Dili)- Iha tinan 2021, Ministériu Administrasaun Estatál (MAE) sei reabilita sede suku hamutuk 257 iha Timor laran, no iha mos planu sei distribui komputadór no mesin printer ba kada suku.

Ministru Administrasaun Estatal, Miguel Pereira de Carvalho informa, prioridade ministériu nian maka reabilita sede suku sira-ne'ebé kondisaun la di'ak ona.

Nia dehan, reabilitasaun sede suku hahu husi tinan 2020, nune'e bainhira kontinua la'o, kuandu konklui iha tinan 2021 bele reabilita to'o 257 sukus.

"Iha tinan ida-ne'e ita reabilita purvolta 101 sukus, mais ida-ne'e kontinua husi tinan kotuk nian ne'ebé mak ita tau ona osan para reabilita 149 sukus, wainhira tinan ida-ne'e ita konklui rehabilita hotu, iha tinan ida-ne'e ita bele rehabilita 257 sukus", nia ko'alia hafoin reuniaun Konsellu Ministru iha Palásiu Governu, kuarta (20/01/21).

Ministru ne'e afirma, orsamentu ba hadi'a sede suku sira depende gravidade reabilitasaun ne'ebé atu halo.

"Ne'e depende hau labele sertu montante hira, mais nia depende ba dezeñu ho BOQ (Bill Off Quantity) ne'ebé atu reabilita sede suku sira", Nia dehan

Alende ne'e, nia mos dehan, Orsamentu Jeral Estadu tinan 2021 MAE tau ona osan, nune'e iha faze ezekusaun atu fasilita fasilidade hanesan komputadór, printer ba kada sede suku. (*)

Rate this item
(0 votes)
Last modified on Thursday, 21 January 2021 07:19
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter