Ministru Asuntu Parlamentár no Klmunikasaun Sosiál hato'o lia hirak ne'e ba www.tempotimor.com hafoin remata diskusaun iha Parlamentu Nasionál, tersa (19/1).
Nia parte rekoiñese problema cesta bazika ne'ebé kompañia sira ezukuta oras ne'e dadaun sei hamosu preokupasaun barak.
'' Sim, sei iha problema dehan katak hanesan ne'e, maibé governu nia prinsípiu ne'e maka, governu nafatin halo avaliasaun regulár,'' haktuir nia.
Nia konsidera, prosesu avaliasaun regulár ne'e pertinente no governu lor-loron halo nafatin ba ezukusaun, oinsá mak fó hanoin nafatin ba empreza ne'ebé mak fahe cesta bázika ne'e ho di'ak.
Maibe, sé iha prosesu ne'e hamosu irregularidade ruma, hanesan buat ruma laloos, entaun governu iha prinsípiu atu dehan katak kompañia tenke hadi'a kedas, depois mak kontinua hala'o servisu ne'ebé loos.
Nia mos alerta ba publiku, se iha implementasaun cesta bázika ne'e mak mosu duni buat ruma, ne'e nakloke ba publiku atu krítika, tanba iha-ne'ebá iha Komisaun Antí Korrupsaun (KAK), Provedoria Diretus Humanu no Justisa (PDHJ), Organizasaun Naun Govermentál (ONG) mos akompaña.
''Tanba ne'e buat ida ne'e nakloke ba ema hotu-hotu bele fo ninia krítika,'' dehan nia.
Nia hatutan, maske fila-fila deputadu sira iha Parlamentu Nasionál foti kestaun ida-ne'e maibé, atu dehan de't katak programa ida-ne'e la'ós governu mesak mak atu halo inspensaun maibé ne'e parte hotu-hotu bele halo inspensaun.(*)