Joaquim Amaral hateten lia hirak ne’e hafoin partisipa iha asembleia jerál anuál tinan 2020 nian iha salaun Katedrál Dili, Sesta (27/11).
“Governu rasik iha vizaun ida loos no klaru hodi implementa ona planu rekoperasaun ekonómika, ne'ebé sura mós ho apoiu husi seitór privádu sira nu'udár parseiru ba dezenvolvimentu nasionál”, Joaquim Amaral hateten .
Governante ne’e konsidera importánsia husi asembleia jerál ne'ebé governu halo atu bele fó mensajen hodi enkoraja seitór privadu sira atu aproveita programa hirak ne'ebé governu lansa iha planu rekoperasaun ekonómika atu bele ajuda sira rekopera sira nia atividades no bele partisipa di'ak liu tan iha dezenvolvimentu.
“Tanba ne'e maka iha programas lubuk ida liu-liu hanesan programa sira ne'ebé mak 2021 nian ne'ebé ita lansa, programa sira ne’e barak liu atu ajuda ita nia seitór privádu sira”, nia subliña.
Tanba ne’e, nia husu ba sira ne'ebé partisipa ona iha programa governu nian, atu bele aproveita oportunidade ne'e ho di'ak, halo susesu programa ne'e, nune'e mós sira bele iha kbi'it atu bele hakat fali iha faze tuir mai iha 2021. (*)
Publisidade
