Angelica ko’alia ne’e tanba nia hare katak, instalasaun rede ne'ebé laiha baze legál, difikulta estadu sei labele hetan reseita tanba osan ne'ebé governu kobre husi rede legal sira sei fasilita hotu deit ba koneksaun ilegal sira.

Ne'e duni, atu evita ida ne’e, Angelica fiar katak autoridade PNTL liu-liu servisu investigasaun kriminal bele hare situasun ida ne'e.

"Se iha ligasaun ilegal hanesan ne'e signifika katak, sei difikulta ita nia reseita. Tanba, tuir lolos ne'e ita kobre reseita barak, maibé tanba ne'e ilegál entaun orsamentu sira ne'e la tama iha kofre estadu, tama fali iha fatin seluk," deputada Angelica hateten iha PN, Sesta (27/11).

Kona-ba informasaun korelasaun internet ilegál, nia parte rezeita atu fó komentariu maibé ida ne'e entrega ba autoridade kompetente atu halo investigasaun.

"Maibé, ne'e la’ós ha’u nia konpeténsia, horkalan ha’u hare iha notisia de’it, no espera katak ita nia autoridade liu-liu Polisia Servisu investigasaun Kriminal, ou autoridade sira ne'ebe iha kompetensia bele hare kestaun ida ne'e entermus legal," nia dehan.