Xefi Suku Camea Agradese Governu Selu Ona Reklamante Featured

Xefi Suku Camea, postu administrativu Cristo Rei, munisípiu Dili, Matos da Costa koalia hela ba www.tempotimor.com ba nia kna'ar fatin, tersa (24/11). Xefi Suku Camea, postu administrativu Cristo Rei, munisípiu Dili, Matos da Costa koalia hela ba www.tempotimor.com ba nia kna'ar fatin, tersa (24/11). Foto Tempo Timor

Tempotimor (Dili)- Xefi Suku Camea, postu administrativu Cristo Rei, munisípiu Dili, Matos da Costa hato’o agadesimentu ba governu tanba konsege prosesa dadus reklamante sira nian hodi realiza duni prosesu pagamentu ba nia komunidade.

Nia dehan, maski mosu situasaun impase polítika iha rai laran no akompaña ho situasaun globál surtu COVID-19, maibé governu nafatin esforsu to’o reliza duni sira nia promesa.

“Hanesan lider komunitáriu ami agradese ba governu tanba mezmu ita atravesa polítiku oioin, maibé governu konsege realiza duni programa ida subsídiu nian ba komunidade. Tanba ne’e, direitu sira nian, ami agradese” Matos da Costa ba www.tempotimor.com iha sede suku Camea bainhira halo akompañamentu ba prosesu pagamentu subsídiu Covid-19 ba komunidade iha bekora, Tersa (24/11).

Nia dehan, maski povu hein kleur durante fulan tolu nia laran tanba situasaun emerjénsia, maibé nia iha esperansa katak ba futuru sei mellora diak liu tan servisu no programa sira atu labele akontese tan situasaun hanesan, tanba komunidade mak sai vitima liu.

“Ita agradese nafatin ba esforsu tomak ne'ebé governu halo”, nia dehan.

Nia mós rekomenda ba governu, la'ós obriga, maibé rekomenda de'it, katak governu tenke haree no prosesa dadus sira ho diak no loloos nune'e komunidade hotu iha direitu ba hetan subsídiu ida ne'e.

“Tanba sira sente katak hanesan sidadaun ida nia maluk hetan, sira la hetan, entaun sira sente katak sira triste oitoan, maibé ami fiar nafatin ba governu sei rezolve problema sira ne'e”, nia dehan tan.

Autoridade suku ne'e mós mós agradese dala-ida tan governu tanba tempu badak mós sira sei hetan tan apoiu ida sexta bázika, tanba ne'e sira fiar governu iha esforsu duni ba komunidade sira nia interese, ida nee maka ita fó importansia ba ida ne'e.

Benefisiária, Leliana Sousa Ferreira sente haksolok tanba governu la taka matan ba sira nia terus durante infrenta situasaun estadu emerjénsia no konsege halo pagamentu ba sira.

“Sente kontente, tanba ida ne'e bele ajuda netik ami nia nesedidade ba uma-laran nian, hodi sosa mós sasán seluk ne'ebé ami presiza”, nia dehan.(*)

Rate this item
(0 votes)
Last modified on Wednesday, 25 November 2020 07:41
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks