Alkatiri “Bongkar” Segredu Diferénsa ho Xanana

Sekretáriu Jerál partidu Fretilin Marí Alkatiri Sekretáriu Jerál partidu Fretilin Marí Alkatiri Foto suplai

Tempotimor (Dili)-Sekretáriu Jerál partidu Fretilin Marí Alkatiri konta tuir katak, fukun ba diferénsia entre nia ho Prezidente CNRT Kay Rala Xanana Gusmão maka artigu 1 Konstituisaun Repúblika Demokratika Timor-Leste (K-RDTL).

Tuir Alkatiri, problema entre lider nasional sira husi 1974/1975 nian mosu kuandu Parlamentu Nasionál (PN) aprova artigu 1 Konstituisaun Repúblika Demokrátika Timor-Leste iha alinea 2 ne’ebé ko’alia kona-ba loron 28 Novembru 1975 mak loron proklamasaun independensia RDTL.

“Bainhira artigu 1 husi K-RDTL aprova, ne’e xoke boot ba maluk balun no xoke mós ba Nasoins Unidas. Entaun, husi ne’e kedas ita haree katak lidér sira balun husi 74/75 duni la konkorda. Hakarak ita haluha 28 Novembru 1975, atu proklama foun fali Prokalamasaun Independénsia foun, maibé ha’u dehan la’e, nusa imi la kandidatu aan ba konstituente, tanba konstituente mak iha soberanu. Entaun, problema hahú iha nee” Mari Alkatiri hateten ba estudante sira iha semináriu nasionál ne’ebé hala’o iha saun IOB Fomentu, Tersa (24/11).

Marí mós dehan, diferénsia ideolójia ho Xanana ne’e iha, maibé laiha problema pesoál entre ami-na’in rua.

“Hau laiha konflitu ho Xanana Gusmão, konflitu pesoál, ha’u laiha, konflitu ba hanoin, vizaun, prosesu nee iha, esforsu komaea halo iha 2010, fó insidénsia parlamentár hodi apoiu ba V governu konstituisionál neebé lidera husi Xanana,” Alkatiri dehan.

Marí mós dehan, tentativa hodi hadia ne’e halo ona dala barak, maibé laiha rezultadu.

“Hau seidauk halo perseguisaun ba Xanana, iha ona auditória lubuk ida iha hau-nia liman, maibé ha'u seidauk uza, Xanana uluk uza ona, to'o iha PN halo tan rezolusaun para ha'u tenke ba hatán iha tribunál, maibé ha'u seidauk halo ida ne'e, mais justisa tenke iha,” nia dehan.(*)

Rate this item
(1 Vote)
Last modified on Tuesday, 01 December 2020 10:21
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks