Atu asegura ida ne'e, maka Deputadu FRETILIN Francisco Miranda Branco hateten, bankada FRETILIN desidi ona sei halo avaliasaun ba membru governu sira.
"Ami mós hare daudaun, halo avaliasaun ba ida ne'e, ladun pratiku, ne'e bele hatodan orsamentu jeral estadu ba atividade ida ne'e," Branco hateten lia hirak ne’e iha Parlamentu Nasionál, Ssegunda (23/11).
Kona-ba avaliasun ne'e, nia hateten ida nebe parte ida importante tebes atu informa ba governu katak, presiza muda sira nia mekanizmu tenke fó fiar ba ema ida hodi lidera distribuisaun no la presiza membru governu tun ba rame-rame.
"tenke fo fiar ba parte balun, reprezentasaun de’it, lalika hotu-hotu rame-rame, iha atividade atu fahe sesta bazika ida ne'e," nia hateten.
Molok ne'e, prezidente bankada CNRT Duarte Nunes halo akuzasaun ba membru governu na’in 7 ne'ebé aproveita buka perdiem liu husi partisipasaun fahe sesta bázika iha suku Sanirin, postu Administrativu Balibo, munisipiu bobonaro. (*)
